مجموعة نكاتي

مو دائما بيزبط الحمل

في بنت ظهرت عليها علامات الحمل، وعرفت أمها بالموضوع...
الأم جن جنونها وبهدلت بنتها وهزأتها ، وقالت لها مين هالسافل يلي عمل فيك هيك؟ بدي أعرف بسرعة ، والله لاخرب بيته.
قامت البنت واتصلت بصاحبها وبعد نص ساعة..وقفت على باب البيت سـيارة فيراري آخر موديل ونزل منها شاب حليوة لباسه مرتب وشكله ولد غني . الشاب قعد بصالون البيت وحط رجل على رجل. بعد شوية دخل أبو البنت وإمها، وبدأ الشاب بالكلام وقال:
يا جماعة الخير.... بنتكم قالتلي عالمشكلة، بس بالحقيقة أنا ما بقدر أتزوجها لظروفي العائلية الخاصة، بس أنا ممكن أعوضها بالتالي:
1- إذا جابت بنت.. بكتب باسم البنت مركز تجاري وفيلا على البحر ومبلغ مليون دولار.
2- إذا جابت ولد بكتب باسم الولد مصنعين ومليونين دولار.
3- إذا جابت توم بكتب باسم كل واحد منهم مصنعين ومليوني دولار.
4- إذا ما جابت شي؟ يعني (طلع الحمل كاذب) شو بدكم التعويض يكون؟
قالت الأم فوراً: يا ابني بتحاول مرة تانية وتالتة لأنه مو دايما بيزبط الحمل من أول مرة.