لو كان خيرا لبقی

لو كان خيرا لبقی

واحده كانت مخطوبة بعد حب سنتين قبل فرحها بفترة قصيرة هي وخطيبها راحوا يعملوا Check up وتحاليل عامة ‘ البنت نتيجة تحليلها كان فيه اشتباه فـ فيروس C ! بعد يومين لقت خطيبها باعتلها اخته تطلب منها الشبكة ‘ و تبلغها انه خلاص كده ‘ البنت طبعا مكانتش مصدقة نفسها !! اديتها الشبكه ومسحت رقمه من عندها ‘ كانت مخنوقه جدااا وفضلت تبكي ‘ البنت راحت لدكتور كبد وقالت هتبدء علاج وكده عملت تحليل تاني ‘ وقالها انه التشخيص اللي فات ده غلط وانها زي الفل ومفيهاش اي حااجه !! رجعت بتخبط كف ع كف وفهمت ان ربنا نجدها من اللي كانت ريحاله كانت بتضحك من ترتيب ربنا فـ الموقف واللي حصلها !!

^^ الخلاصة هنا بقي
اننا لو ركزنا فـ تدابير ربنا هنشوف قد ايه هو عظيم ‘ قادر يرتب احداث تشقلب حياة البني آدم واحنا بغبائنا بنشوف ان ده بيوجعنا بس لو ركزنا هنقول ياا الله ع جمالك يارب بتنجدنا من شر كان هيهلك روحنا فـ سبيل تبدلنا الخير عنه ‘ ياريت كلنا كده منزعلش ومنبكيش
ربنا كريم جدا جدااا كرمه ملهوش آخر ربنا ليه حكمة فـ كل حاجة بتحصل وان حتما حتما ده قمة الخير لينا ' حتي لو احنا مش شايفين كده دلوقتي بس لازم
هنحمد ربنا فـ الاخر ‘‘ ‘‘ لو كان خيرا لبقی ‘‘

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: ثقاقة عامة وشعر