الفرق بين الباص 35 والباص 53

الفرق , باص , بين

الفرق بين الباص 35 والباص 53

اتحداك ما تضحك لاتفوتكم القصه
(( قصة واقعيـةطريفة )) بأسلوب صاحبها الذي رواها .

... رجل علي السرير في مستشفى المجمعة في بلدنا الحبيب السعودية.
وكان كل جسمه شاش ورجلينه كلها جبس
وما تسمع إلاالآهات
ماغير يحن من الأوجاع اللي فيه
عاد أنا قلت يمكن إنه مسوي حادث قوي
أو إنه محترق أو أو ... إلخ
المهم جت الساعة 4 العصر وبدأ وقت الزيارة
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفة ؟
وعلى هالحال كل من جاء وسلم عليهما تسمع إلا ضحكهم من وراء الستاير
أنا قلت لازم أعرف وش السالفة ...
انتهى وقت الزيارة ، وأنقز له على طول !
وأتشافا عشانه وأقول الحمد لله على السلامة
عسى ماشر ومن هالكلام
وأنا كل همي أعرف ليش يضحكون ؟
المهم قلتله : أنا أشوف اللي يجونك ما يروحون من عندك إلا و ضحكهم واصله آخر المستشفى !
قال لي : ههههههههه ليـش عاد أنت حاسدنا على الضحكة ؟
قلت له : لا يـاخوي مو كذا السالفة والله لو عندك مليون كان يمكن أحسدك !
بس إضحكوا عادي خذواراحتكم بس بغيت أعرف السر يعني ؟
إذا ما عندك مانع .
قال لي : طيـب ولايهمك ... أنت مثل ما تشوفني مكسر ومربط بالشاش .
قلت له : أيـه والله ... الله يشفيك .
قال لي : يا طويل العمر أنا ساكن في شقة في الدور الثاني ، وعندي بلكونة مامن زيـنها ، وإذا رحت بنام أفتح باب البلكونة وأطفي النور وأنسدح على السرير وأنام .
ويومَ‘ـَُِــنٍّمت على السرير . وغصت في أعماق أعماق نومي ،
حلمت اني في يوم القيامة ! وحلمت مثل ما تقول ان الناس في مكان مثل موقف الباصات
وفي باصات لها أرقام رايحة للجنة وباصات رايحة
للنار !!!
المهم الجماعة ينادون بالأسامي .. فلان بن فلانه باص رقم كذا إلي النار ... فلان بن فلان باص رقم كذا إلي الجنه .. وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص رقم 35 إلي الجنة .. اوووف الحمد لله ارتحت .
ومشيـت أدور على باص 35 اللي مكتوب عليه إلى الجنة ... وحصلته ودخلت فيه .
مشيـنا بالباص وبعد فترة جاتنا لوحة مكتوب عليها
(( الجنه 50 كيلو )) ، (( النار 100كيلو )) وهذا وحنا مع اللوحات .. والله ونتعدى مفرق الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفة .. المشكلة الناس ساكتيـن وما أحد قلقان في عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنة .. وليـش توديني النار يا وجه النحس ؟!
والتفت علي ... طلع هو إبليس !!!
أنا من أهل الجنة .. يا ملعون لا توديني النار .. أنا من أهل الجنة .
والله العظيم إني من أهل الجنة ، تو من شوي قايلين إسمي مع باص رقم 35 اللي رايح للجنةوقف يا ملعون ، ،، .
وهذا أنا أصارخ ... وهو بأنواع الضحكات الشريرة هاهاها ... هاهاها ... هاهاها ... قال هذا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] رقمه53 حق النار وانا من الفرحة والربشة لخبطت بين 35و53
قلت له : يا ملعون وقف !!! أبي أنزل !!!
قال : والله عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] هذامبرمج على انه ما يوقف إلا في النار ... تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونة وأنا نايم .. إلى الحوش وتكسرت
هههههههه
القصة حقيقية ... وحصلت لواحد كان منوم فيمستشفى المجمعة العام
تكفون تعوذووووا من إبليس قبل ما تنامون ولا تنسونالاذكار قبل النوم وفرقوا بين 35 و 53.

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: موضوعات عامة