المفتول مع يخنة الحمص

المفتول مع يخنة الحمص

المقادير

1. دجاجه مقطعه اربع قطع
   
2. نحتاج لسلق الدجاج:
   
3. بصله كبيره
   
4. 4 ورقات غار
   
5. عودين قرفه
   
6. 5 حبات هيل
   
7. ملعقه صغيره كركم
   
8. ملعقه صغيره بهار دجاج
   
9. ملح وفلفل
   
10. ملعقه صغيره كمون
    
11. لعمل الدفنه اللي توضع داخل المفتول:
    
12. بصله مفرومه ناعم
    
13. كركم، ملح، فلفل، رشه كمون، رشه بهار
    
14. لعمل يخنه الحمص:
    
15. 300 غ حمص مسلوق تقريبا
    
16. بصله كبيره جوانح
    
17. زيت نباتي
    
18. ملح وفلفل ورشه بهار
    
19. كيلو مفتول
    
20. 
    

طريقة التحضير

1. 
   
   نسلق الدجاج كالعاده وبنضيف له المكونات المذكوره ويترك تقريبا ساعه لينضج بعدها بنشيل الدجاجه يترك على جنب (اما نحمره او نعيده بعد عمل اليخنه الى المرقه) وبنصفي المرقه وبنحطها بطنجره وفوقها مصفايه ستانلس لطبخ المفتول
   
   
   
   
   
2. 
   
   بنحط المفتول بطبق وبنضيف عليه 3 ملاعق زيت زيتون وملعقه سمنه ورشه ملح وفلفل ورشه كمون ونفركهم بهدوء براحه باليد حتى مايتكتل او يلزق ببعضه مع البخار
   
   
   
   
   
3. 
   
4. 
   
   بنحط المفتول بالمصفايه وبنعمل حفره بنحط فيها الدفنه تبع البصل اللي مذكوره بالمقادير وبنسكر عليها بالمفتول وبنغلف المصفايه بالقصدير ويترك تقريبا نص ساعه خلالها بنفتح مره او مرتين بنقلب بالشوكه بخفه وبعدها بنكمل طبخه بطنجره تانيه
   
   
   
   
   
5. 
   
   بنعمل يخنه الحمص بنهوس بصله جوانح بشويه زيت نباتي وبس يدبل بنضيف الحمص والملح والفلفل وشويه بهار وبنرجع بنسقطهم فوق المرقه اللي عم تغلي
   
   
   
   
   
6. 
   
7. 
   
   اخيرا بطنجره فيها شويه سمنه بنضيف المفتول اللي استوى نص استوا على البخار وبنضيف عليه من المرقه مع البصل والحمص تقريبا حتى يغمر المفتولات وممكن نزيد مي لان بدنا كميه من المرقه اللي فيها الحمص عند التقديم...بنسكر بغطاء وخليه شويه ع نار عاليه بعدها بنخفف النار حوالي 10 دقايق رح نلاحظ كل حبه بحبتها وانه الحبات نفشوا واستووا تمام
   
   
   
   
   
8. 
   
9. 
   
   يقدم المفتول بطبق وفوقه الدجاج ويقدم جنبه يخنه الحمص وبالعافيه.
   
   
   
   
   

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: أمور مطبخية و منزلية