السلطات

السلطات

المجموعه الاولى

سلطه الجرجير
سلطه المقالي بالحمص (البليله )
سلطه جبنه الحلوم
سلطه المكرونه
سلطه الزيتون

& ... سلطة الجرجير بالباذنجان ... &

المقادير

حزمتين جرجير
1 بصل ابيض

1 باذنجان

3 طماطم

التتبيله:
ليمون+زيت زيتون+ملح+فلفل اسود+كمون+سماق

للزينه:
خبز محمر بالفرن او مقلي ..
صوص الرانش الجاهز ..
دبس رمان

الطريقه:

اول شي قطعي الباذنجان اصابع واقليه وخليه على جنب.
اغسلي الجرجير طبعا .. قطعي السيقان لو كانت الاوراق كبيره اقطعيها بالسكين بس عموما

خلي القطع كبيره لاتفرمين الجرجير ..
قطعي البصل شرائح والطماطم بعد ..اخلطيهم مع الجرجير (لاتحطين الباذنجان عشان لاينهرس)
وصبي عليهم التتبيله ..
حطيهم بصحن التقديم ..حطي على الوجه الباذنجان وبعدين صبي خطوط من صوص الرانش
وبعدين الخبز المحمر ,, واخر شي خطوط من دبس الرمان

.............................

& ... سلطة المقالي بالحمص...&

المقادير

1ونصف رغيف خبزعربي مقطع مربعات
1 باذنجان غير مقشر مقطع مربعات
1بطاطس مقطع مربعات
خس شرائح رقيقه
بصل شرائح رقيقه
خيار شرائح رقيقه
1ونصف كوب حمص مسلوق
1علبه صغيره ذره

الصلصه:
نصف كوب زبادي
نصف كوب مايونيز
4فص ثوم مهروس
1ملعقه صغيره ملح
ربع ملعقه صغيره فلفل ابيض
2 ملعقه صغيره عصير ليمون

الطريقه:

1-نقلي الخبز والبطاطس والباذنجان

2-في طبق التقديم نضع الخس بحيث يغطي الطبق

3-وزعي فوقه نصف مقدار شرائح البصل

4- وزعي نصف شرائح الخيار

5- وزعي فوقه نصف الخبز

6- وزعي مكعبات البطاطس

7- وزعي مكعبات الباذنجان

8- وزعي بقية شرائح الخيار

9- وزعي بقية الخبز

10- وزعي الحمص والذره

11- وزعي بقية شرائح البصل

12- الصلصه : ضعي الزبادي والمايونيز والثوم والملح والفلفل الابيض وعصير الليمون ، قلبي الى ان تختلط المكونات مع بعضها و وزعيها فوق السلطه.

للزينه : سماق و بقدونس

..............................

& ... سلطه جبنه الحلوم ...&

المقادير والطريقة :

حزمة جرجير

نقطع الساق ونترك الورق زي ماهو

جبنة حلوم قليلة الدسم تقطع شرايح

وترش بزيت زيتون وتشوى في الشواية الكهربائية

الصوص :~

خل بالسميك

زيت زيتون

وملح

شوية عصير ليمون

......................................

& ... سلطه المكرونه ...&

المقادير + الطريقه

نص كاس مكرونه .. مسلوق مع ملح وزيت

خس مقطع شرايح ناعمه + فلفل بارد اخضر واحمر مقطع مكعبات

نص كاس ذره

يفرش الخس بصحن التقديم ثم يوضع عليه المكرونه بعد خلطها بنص كميه الذره والتتبيله ..

التتبيله للمكرونه .. ملعقه كبيره خردل ديجون + ملعقه كبيره زبادي + عصير ليمون + ملح ورشه فلفل اسود تخلط ثم توضع على المكرونه

تزين بالذره والفلفل البارد المقطع ..

..........................

& ... سلطة الزيتون ...&

المقادير :

خيار-ذره-خس-زيتون شرائح-سلطة رانش-خبز محمص وياليت اللي يكون بنكهات اطعم مثل تويستوس

الطريقه

الخضار كلها مع بعض مقطعه بحجم صغير اشهى

وبعدين تخلط معها الذره والزيتون بعدين سلطة الرانش فوقها بعدين الخبز

..........................

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: أمور مطبخية و منزلية