توفيق الله سبحانه في رحلتي مع التصلب..

مواقف طريفه واجهتني مع الاعزاء على نفسي اللذين يتبعون الخطه العلاجيه... * في احدى الايام تحدثت معي احدىالمحببات الى قلبي التي تتابع العلاج و هي مدرسه فقدت وظيفتها بسبب المرض قالت : تصدقي في فكره تروح و ترجع عندي فسألتها خير ان شاء الله فقالت: احس يوم ارجع وظيفتي شكلي غلط!! فضحكت وقلت : اشلون شكلك غلط!! فقالت : تخيلي تاركتهم و انا بعكازي وحالتي حاله و اللحين ارجع قدام طالباتي و انا اركض بالساحه شكلي ماله داعي!! فقلت لها: و انتي لازم تركضي بساحة المدرسه!!قالت اجل اشلون اعبر عن فرحتي !! فقلت لها خلاص عندي حل خذي العكاز وحطيه بمتحف المدرسه وحطي اسمك تحته واكتبي سابقا وحطي صورة واحد من اللي فازو بسباق المارثون واكتبي تحته لاحقا ... فضحكت و قالت: لا خلاص وش ذي اللفه الطويله بواجه الموقف ازين لي .. فقلت لها : انتي من جدك هذا اللي تفكري فيه و تركتي فرحت الشفاء!! قالت لا خاطره حبيت اشاركك فيها ..(: ..* تحدثت معي احدى العزيزات الى قلبي وقالت: ما سمعتي يقولو ان 2012بتطلع كل علامات القيامه الكبرى!! فقلت لها العلامات يمكن تظهربكره ما نقدر نخمن شيء في هذا الموضوع! فقالت : تخيلي ما الحق افرح بشفائي واني رجعت امشي و يجي 2012 وتطلع العلامات استغفر الله وش استفدت !! فقلت لها: لو انك مؤمنه بهذه الاشاعه الي مطلعينها من قالك انك ما استفدتي ! فقالت وش استفيد؟ فقلت لها : على الاقل تقدري تركضي وتهربي ممن الدجال و ياجوج وما جوج..(: ..* احدى الامهات تحدثت معي وقالت: الحمد لله ولدي تحسنت حالته وما صار مثل قبل يقوم من نومه كثير لقضاء الحاجه .. فقلت الحمد لله قالت بس تصدقي انه زعلان!! فتعجبت و قلت ليه زعلان!! قالت انه يقول اول كنت اقوم كثير لقضاء الحاجه و اصادف افتح التلفزيون والقى برنامجي المفضل اللحين نام بشكل متواصل و يروح علي برنامجي !! ( رضا الناس غايه لا تدرك) ..):... *تحدثت معي احدى المقربات الى قلبي وقالت : تصدقي امس صحيت على صلاة الفجر و لقيت زوجي جالس على الكرسي المتحرك فقلت له : وشفيك بسم الله عليك جاك تصلب !! فقال لها كله من برنامجك العلاجي نشط مخي و طير النوم من عيني! فسألتها وش علاقة زوجك ببرنامجك العلاجي!! فقالت: زوجي مشاركني وجدانيا و متبع معي البرنامج!!! فقلت لها: اللحين انتي لو مثلا ما عندك انفلونزا و تاخذي علاجات انفلونزا وش يصير فيكي ..قالت: اكيد بتعب !!فقلت لها: اجل قولي لزوجك يشاركك وجدانيا باي شي الا بالخطه العلاجيه ..(:.. اسئل الله ان يتمم شفائهم عاجلا غير اجلا.