توفيق الله سبحانه في رحلتي مع التصلب..

الحمد لله وهذا يثبت ان ما يدعيه بعض الاطباء ان خلايا الدماغ لا تتجدد كلام ليس له اساس من الصحه لاني حين كنت اتحدث مع بعض المصابات بالتصلب كانو يرددو نفس الجمله ( الطبيب اخبرني خلايا الدماغ اذا ماتت لا تعوض !!) و جميع الابحاث و النتائج تنفي هذا الكلام الذي ليس له اساس من الصحه.. اسئل الله ان يشفي جميع مرضى المسلمين و المسلمات.. وجورج عشان ما يزعل علي( :
ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: تجارب مع التصلب اللويحي

اللهم آمين
أخي جورج منا و فينا و ان شاء الله ما يكون زعلان أبدا
بارك الله فيكِ عزيزتي

بتشكرك دكتورة متأسفة لله انك دعيتي لي بس في شغلة اعملي معروف ياريت تفهميني هي بخصوص التلف إلى ظهر بصور الmri تبعوني ممكن يتعالجوا ويروح هالتلف إلي صار وانت كيفف هلأ يعني شفيتي من المرض ولا بعد وبشو انتي مأثر عليكي المرض

مواقف طريفه واجهتني مع الاعزاء على نفسي اللذين يتبعون الخطه العلاجيه... * في احدى الايام تحدثت معي احدىالمحببات الى قلبي التي تتابع العلاج و هي مدرسه فقدت وظيفتها بسبب المرض قالت : تصدقي في فكره تروح و ترجع عندي فسألتها خير ان شاء الله فقالت: احس يوم ارجع وظيفتي شكلي غلط!! فضحكت وقلت : اشلون شكلك غلط!! فقالت : تخيلي تاركتهم و انا بعكازي وحالتي حاله و اللحين ارجع قدام طالباتي و انا اركض بالساحه شكلي ماله داعي!! فقلت لها: و انتي لازم تركضي بساحة المدرسه!!قالت اجل اشلون اعبر عن فرحتي !! فقلت لها خلاص عندي حل خذي العكاز وحطيه بمتحف المدرسه وحطي اسمك تحته واكتبي سابقا وحطي صورة واحد من اللي فازو بسباق المارثون واكتبي تحته لاحقا ... فضحكت و قالت: لا خلاص وش ذي اللفه الطويله بواجه الموقف ازين لي .. فقلت لها : انتي من جدك هذا اللي تفكري فيه و تركتي فرحت الشفاء!! قالت لا خاطره حبيت اشاركك فيها ..(: ..* تحدثت معي احدى العزيزات الى قلبي وقالت: ما سمعتي يقولو ان 2012بتطلع كل علامات القيامه الكبرى!! فقلت لها العلامات يمكن تظهربكره ما نقدر نخمن شيء في هذا الموضوع! فقالت : تخيلي ما الحق افرح بشفائي واني رجعت امشي و يجي 2012 وتطلع العلامات استغفر الله وش استفدت !! فقلت لها: لو انك مؤمنه بهذه الاشاعه الي مطلعينها من قالك انك ما استفدتي ! فقالت وش استفيد؟ فقلت لها : على الاقل تقدري تركضي وتهربي ممن الدجال و ياجوج وما جوج..(: ..* احدى الامهات تحدثت معي وقالت: الحمد لله ولدي تحسنت حالته وما صار مثل قبل يقوم من نومه كثير لقضاء الحاجه .. فقلت الحمد لله قالت بس تصدقي انه زعلان!! فتعجبت و قلت ليه زعلان!! قالت انه يقول اول كنت اقوم كثير لقضاء الحاجه و اصادف افتح التلفزيون والقى برنامجي المفضل اللحين نام بشكل متواصل و يروح علي برنامجي !! ( رضا الناس غايه لا تدرك) ..):... *تحدثت معي احدى المقربات الى قلبي وقالت : تصدقي امس صحيت على صلاة الفجر و لقيت زوجي جالس على الكرسي المتحرك فقلت له : وشفيك بسم الله عليك جاك تصلب !! فقال لها كله من برنامجك العلاجي نشط مخي و طير النوم من عيني! فسألتها وش علاقة زوجك ببرنامجك العلاجي!! فقالت: زوجي مشاركني وجدانيا و متبع معي البرنامج!!! فقلت لها: اللحين انتي لو مثلا ما عندك انفلونزا و تاخذي علاجات انفلونزا وش يصير فيكي ..قالت: اكيد بتعب !!فقلت لها: اجل قولي لزوجك يشاركك وجدانيا باي شي الا بالخطه العلاجيه ..(:.. اسئل الله ان يتمم شفائهم عاجلا غير اجلا.

اللي صاير انك بتحمسينا للعلاج عزيزتي
معقولة لسى ما خلصت التجارب ؟؟

عزيزتي مجموعة انسان الحمدلله النتائج رائعه ولكن مؤكد هناك فروق فرديه من شخص لاخر .. وفقكي الله

ههههههههههههههههههههه
والله ضحكني اللي زعلان ليش ما يقوم بالليل مثل اول اختي هههههههههههههه الحمدلله على كل حال
الله يتمم عليهم وعلينا الشفاء التام من عنده
اللهم امين
دمتي بخير اختي ®®®®®®®®®®®

اخي محمد الله يهديه اللي ما صار يقوم بالليل جابلي احباط يومين الناس تتمنى الشفاء وهو الله يسامحه يبي يرجع مثل اول.. الله يهديه و يعجل بشفائه و يشفي المسلمين و المسلمات اللهم آمين...