تونس الحبيبة

السلام عليكم
غلبتني الدموع من فرحتي باهتمامكم
يعيشكم يعيشكم يعيشكم
نحبكم برشة برشة برشة
ما تتخيلوش الي صار قداش فرحنا و هز غمة من فوق قلوبنا
تعرفو وقت خرج الرئيس و قال فهمتكم خفت ليوخر شعبنا و يتراجع على مطالبو
تعرفو لوكان تراجعنا رانا ليوم مذبوحين من طرف الرئيس الي عمل روحو مسكين اخر نهار
الحمد لله شعبنا كان في المستوى و كان على مستوى الحدث
تعرفو حتى يانا ماكنتش نتخيل الي شبابنا على مستوى الوعي هذا تبارك الله عليهم بما انو النظام حاول يهمشو قد ما يقدر
على فكرة في تونس عندنا المحتجبات بدرجة كبيرة هذا غير الفكرة الي واخذينها الشعوب الاخرى علينا
المهم الحمد لله بكلنا لاباس
على الاقل دماء شهداءنا جابت فائدة
نهار ليوم قداش فرحانة الي يانا تونسية
و نقولها يانا تونسية عربية رجعتلي كرامتي و عزت نفسي
ربي يرحم موتانا و موتى جميع المسلمين
استغفر الله الذي لااله الا هو الحي القيوم و اتوب اليه