تجارب الأعضاء مع العلاجات الطبيعية

هحكي حاجه قديمه شويه
قبل ما اكمل ال 20 سنه
زرت متخصص علاج طبيعي
نصحني اعمل جيم
المهم
استمريت شهر اعمل رياضه 3 مرات في الاسبوع
كنت بئعد تحت جهاز ع الاطارف شويه
بعدها بتحرك على شويه اجهزيه
زي العجله و حاجه زي السلم مش فاكرة اسمها
طبعا ده جنب التغذيه اوى
كنت بهتم بالاكل
بيض ولبن وعسل
كده يعني
كانت اكتر فتره حسيت فيها ان صحتي بتتحسن
وقتها قدرت انزل واطلع السلم لوحدي من غير مساعده
كنت بتحرك فى البيت و الشارع لوحدي

بس كان لازم بعد شهر العلاج الطبيعي ما يخلص
يشوفني الدكتور تانى عشان يقرر اكمل ولا لا

هو خيرني بين كذا دكتور مخ واعصاب
قال لازم حد يشوفك ويقول تكملى ولا لا
اخترت واحد منهم وياريتني ما اخترته
دوخت على مااخدت معاد منه
حددولى معاد بعدها بشهر
الله يسامحه
احبطنى طلعت من عنده مش شايفه غير سواد
قالي متكمليش في العلاج الطبيعي
ملوش لزوم مفيش فايده

مع انى كنت بحس نفسي ده اكتر وقت صحتى كويسه

بعدها بطلت كل حاجة
وشويه شويه حركتي قلت وتقلت
فقدت القدره على الحركه لوحدي

ياريت اي حد بيمارس رياضه ميسبهاش

.