طيب يا طيب
.
قالوا تبيع الطيب قلت أشري الطيب
واجمع كنوزي من فريدات الأطياب
.
وآصدره للكلّ نثر و أزاكــــــــــيب
باقات طيب ونادر الطــــيبة ازكاب
.
للي جَهَـــــــلني قبل كل الأصاحيب
ولأحبابي وربعي وناسي والاصحاب
.
للي بعـــــــــــــيد وللذي مني قّريب
للكلّ كل الكــــــــل أغراب واقراب
.
وآبخر أعماق المشاعـــــر تراحـيب
واجزل عطاء وآعطر الجود ترحاب
.
أقنص فريد و شــــاردي دايم يصيب
وغير النوادر واهسي ما بعـد صاب
.
قالوا وش الي بعــت قلت الي يعـيب
ببلاش ابيعه والذي فعــــــــله يعـاب
.
وآحط من دوني ودونه مشاعــــــيب
واردم خمالات المَعَايب بمشـــــعاب
.
واَحرص على منقى فرات المشاريب
وغير النقى ما لي مع الكل مشراااب
.
والي يريب اتجـــــــــــنبه لنّه مّرِيب
والي سَلَم منهو من الخَمـــــلة ارتاب
.
واقابل أهل الطــيب بالطيب وآآطيب
ويا بخـــته الي مع جميع البشر طاب
.
بالطيب اعايش واقعي طيب يا طيب
و الطِيب مرباعَـه يجي بين الأطياب

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

المصدر: منتديات حبة البركة - من قسم: ثقاقة عامة وشعر