السلام عليكم ورحمة الله وبركاته
أبيات كل شطر منها حكمة
وسلوكيات وتوجيهات يستفاد منها وان كانت طويلة فمعذرة
🌴كم ( رفيق ) ودنا به على قيد الحياه
🌴وكم (ردي ) يبطي الموت عيا ما يجيه
🌴وكم صبي (شاب) راسه ولا حقق مناه
🌴وكم صبي مات واللي حفر قبره ابيه
🌴وكم فقير مات حلمه من سيوف الغناه
🌴وكم ( غني ) عاش دور الفقير ويشتكيه
🌴وكم جميل من هل ( الطيب ) ماتلحق جزاه
لو عطيته نور عينك ، تقول : شوي فيه
🌴وما يدل الدرب من لا تمسك بالوصاه
🌴وما يقدر نعمة ( العقل ) غيرك يالنبيه
🌴ومن عبر( بحر الملذة ) على قارب نجاه
لا يلد العين ( للبحر ) ويعود إليه
🌴لو ( كنوزك ) كبر سنجار واجبال السراه
الضمير الحي ماهو عقار ( تشتريه )
🌴لو يطلع كل تاجر من امواله ( زكاه )
ما لقيت من ( المساكين ) من يبسط يديه
🌴وإن ملكت ( أخلاق ) تملك بها سمعه وجاه
بالفعول وبالطبايع صحيبك لك ( شبيه )
🌴( الردي ) لو يستره ثوب وش يستر رداه
دام مايحشم ( قرابه ) ولا يحشم ( وجيه )
إنصحوه يبيع ( ثوبه ) ويشري له ( عباه )
طاح من عين ( المراجل ) ولا عادت تبيه
🌴والسفيه إن ما تبلاك ما تسلم ( غثاه )
حاول إنك ماتقرب يدينك في ايديه
🌴و(صافح كفوف) الزمن و إبتسم لأجل الحياه
وإعلم إن ( الله ) اذا حب ( عبده ) يبتليه.
وصح لسان شاعرها
ساعد في النشر والارتقاء بنا عبر مشاركة رأيك في الفيس بوك