منتديات حبة البركة - عرض مشاركة واحدة

اليوم, 04:56 AM

⛔بتشتكي من القلق والاكتئاب
⛔عندك فقدان للدافع والحماس
⛔حاسس دايما أنك مرهق وتعبان ومزاجك متقلب حتي بدون سبب واضح
⛔عندك إدمان لعادات غلط مش عارف تبطلها
❌(بتاكل بالليل/ بتميل للسكريات/عايز تأكل حاجات مقرمشه!!)

⛔لدرجه أن ممكن تحس برعشة وإنت قاعد من غير ما تتحرك

⛔كل دي أعراض نقص الدوبامين
( هرمون المكافآه) ✅😇
🙃واحد من اهم النواقل العصبيه الموجوده في جسمك واللي ناس كتير بقت بتعاني من نقص فيه وبرغم كده ما حدش بيتكلم عنه✔️

😎الدوبامين ده ناقل عصبي، يعني حاجة شبه الهرمون كده

✅ بس الفرق إن الناقلات العصبية بتبعت رسائل جوه الجهاز العصبي،
👌لكن الهرمونات بتتنقل عن طريق الدم.

✅الدوبامين ده له تأثير مباشر إنه بإحساس بالمتعة
وكمان له أدوار تانية متعلقة بالمكافأة والحركة.

✅بس في الأساس، الدوبامين مرتبط بالإحساس الحلو، إحساس إنك كويس وفايق ورايق✔️😎
وبيدي طاقة وحيوية.ونشاط

✅عارفين الناس اللي بتشرب مخدرات زي الكوكايين بيحسوا انهم طايرين وقادرين يعملوا اي حاجه. . كل ده بسبب انه بيرفع الدوبامين💯💯
⛔( بشكل مؤقت طبعا عشان بس محدش يقول ده الدكتور بيقول روحو اشتروه) ⛔

✅يعني الإحساس الجسدي اللي المدمنين بيحسوه جاي أصلا ن الدوبامين✔️، مش من المخدر نفسه.
المخدر مجرد مُحفّز بيخلي الجسم يطلع دوبامين أكتر.

✅فعشان كده الدوبامين من أكتر الناقلات العصبية اللي الناس بتحاول تزودها بأي طريقه لا اراديه
❌(خصوصًا عن طريق المخدرات)❌
⛔عشان كده كل ما هندخل في مجتمع بيعاني اجتماعيا وماديا ونفسيا هنلاقيه بيميل اكتر لتناول المخدرات,✔️

✅طيب ما تيجي نشوف ايه اللي بيقضي على الدوبامين في جسمنا ويخلينا ندخل في الاعراض دي كلها

✅زياده الكافيين أوي في جسمك
الكافيين في الأول يخليك تحس أنك كويس ومبسوط
بس مع الوقت لو زاد، بيقلل تأثير الدوبامين.( بيحصل نوع من المقاومة)
✅عشان كده الناس اللي بتشرب قهوه كثير زياده عن اللزوم مش بيقدروا يقوموا من غيرها( رغم فوائدها الصحيه قلنا لازم اعتدال)

❌الكحول( بعد الشر عنكم)
❌بيدمر الدوبامين.

❌المخدرات زي الكوكايين وغيره
❌كلها بتستنزف الدوبامين.

❌الأدوية النفسية أغلبها
❌ بترفع الدوبامين في الأول، بس مع الوقت بتستنزفه.
زي الإدمان بالظبط، عشان كده بتحتاج جرعة أعلى وأعلى مع الوقت.

❌الإنسولين والسكر
❌بيقللوا الدوبامين وبيستنذفوه من جسمك

❌الضغط النفسي
❌بيدمر الدوبامين ويستنذفه بشده
✔️والسبب في كده ارتفاع الكورتيزول
اللي بيطلع من الغدة الكظرية، (بيقلل الدوبامين.)

❌كمان من الاسباب اللي ما حدش يعرفها
⛔نقص حمض المعدة
لو معندكش حمض معدة كفاية، مش هتعرف تهضم البروتين كويس.
✅وساعتها يحصل خلل في تصنيع الناقلات العصبية كلها، مش الدوبامين بس.
✅عشان كده الناس اللي عندها مشاكل في المعده
(حرقة معدة/ارتجاع/عسر هضم)
✔️بيحسوا أن مزاجهم مش كويس نتيجه انخفاض الدوبامين ده
.
⛔ومع التقدم في السن، انتاج حمض المعده بيقل وده بياثر ع المزاج جدا
.
و مجرد إضافة:
✅خل التفاح
✔️ ممكن يزود مخزون الناقلات العصبية.

⛔الضغط على الغدة الكظرية( يعني الارهاق المستمر او الضغط الشديد في الشغل والسهر وعدم الراحه)
الغدة الكظرية من جواها✔️ بتصنع الدوبامين.
✅لو الغدة مرهقة أو منهكة، مش هتطلع دوبامين كفاية.
✅والتوتر المزمن بيستنزف كل الناقلات العصبية، مش بس الدوبامين.

✅طيب من الكلام ده نقدر نقول ايه الخطوات اللي هنعملها عشان نرفع هرمون المكافاه❤️😎 والسعاده والانبساط ده كله( من غير مخدرات)

✅قلل الكافيين والكحول
✅ابعد عن المخدرات
✅ابعد عن السكر والحلويات والدقيق
✅أبعد عن التوتر( اشرب اشواجندا
✅ أبعد عن المزعجين المنفسنين/ الناس التوكسيك)
✅خد أجازه كل فتره ضروري جدا.
✅زود حمض المعدة( بخل التفاح)
✅كمان في مكملات ممكن تاخدها تساعدك على تحسين افراز الدوبامين زي

✅تايروسين
✔️حمض أميني طبيعي، يعتبر مادة خام لصناعة الدوبامين.

✅L-Theanine
✔️حمض أميني طبيعي بيساعد في بناء الدوبامين.

✅فيتامين D
✔️التعرض للشمس بيساعد يشحن مخزون الدوبامين.

✅فيتامين B6 وB5
✔️( موجودين في الخميره الغذائيه)
✅مهمين جدًا في تصنيع الدوبامين

✅الرياضة( مهما كانت بسيطه او حتى مجرد تمشيه)
✔️بترفع الدوبامين طبيعي

⛔⛔ملحوظه ممكن ما تحتاجش مكملات اصلا خالص لو عملت كل الخطوات بتاعه منع مسببات انخفاض والدوبامين, ✔️✔️

👌جرب الخطوات دي وشوف مزاجك وطاقتك هترجع لك تاني ازاي من غير اي دواء❤️

مين حاسس أن الدوبامين عنده رايح في داهيه؟!😇

انا قولت اقولكم لاني عايز أرفع الدوبامين عندكم.

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: علاجات تكميلية و فيزيائية