07-11-2025, 03:11 AM
|
#1
|
|
بيانات اضافيه [
+
]
|
|
رقم العضوية : 4
|
|
العلاقة بالمرض: مصابة |
|
المهنة: لا شيء |
|
الجنس ~ :
أنثى |
|
المواضيع: 64276 |
|
مشاركات: 6438 |
|
تاريخ التسجيل : Aug 2010
|
|
أخر زيارة : اليوم (03:30 AM)
|
|
التقييم : 95
|
|
مزاجي
|
|
|
لوني المفضل : Cadetblue
|
شكراً: 9,478
تم شكره 17,570 مرة في 8,937 مشاركة
|
هتتجوز مريضة ms إزاي ؟! ( سكون العاصفة في قلب أم )
♨️👁️ ببساطة مع أحمد عصام 👁️♨️
هتتجوز مريضة MS إزاي ؟!
( سكون العاصفة في قلب أم )
🎭 مشهد درامي قصير
( أم وابنها والحقيقة بين السطور )
📍 في انتظار الإبن الأم قاعده على كنبه وملامحها فيها قلق لكنها بتحاول تبان طبيعيه . يوسف داخل بشنطته ، راجع من شغله .
👩🦳 الأم ( بهدوء لكنها واضحه ) :
يا يوسف … تعال اقعد معايا شويه … عايزه أكلمك في موضوع مهم …
🧔 يوسف ( بيقرب وابتسامه على وشه كانه عارف هتكلمه في ايه ) :
خير يا أمي ؟ … حصل حاجه ؟
👩🦳 الأم ( بتحاول تخبي التوتر ) :
اختك الكبيره فاتحتني في موضوع إنك ناوي تتقدم لـبنت عندها مرض اسمه التصلب المتعدد أو MS صح ؟
🧔 يوسف ( بيهز راسه بثقه ) :
آه … صح … مريم
وأنا عارف كل حاجة عن حالتها … وهي قالتلي من أول يوم
👩🦳 الأم ( بتحاول تمهّد ) :
بس يا ابني … أنا قريت شويه عن المرض
ده مرض مزمن … وبيجي على فترات … وانتكاسات وكده
يعني ممكن في يوم … تلاقيها مش قادره تقوم من السرير !
🧔 يوسف ( هادئ وواضح ) :
بصي يا ماما … الهجمات بتحصل فعلاً
بس مش طول الوقت … وبيقدروا يسيطروا بالعلاج على الهجمات
ومريم حالتها مستقرة … وملتزمه بعلاجها …
👩🦳 الأم ( بتقاطع بانفعال ) :
بس مافيش شفاء كامل منه !
يعني هتعيش معاها كده على طول ؟
ده مش زواج ده عبء يا يوسف !
🧔 يوسف ( بيتوجع من الجمله ) :
لا يا ماما … الزواج مش بس عن واحده صحتها كويسه ..
إنتي دايمًا تقوليلي :
( دور على اللي تفهمك وتشيلك وقت ما تقع )
ومريم من النوع ده … مش عبء
دي إنسانه قويه … وبتشتغل … وواقفه على رجليها
👩🦳 الأم ( بنبرة أعلى ) :
وإنت مستعد تشيلها لو حصلها حاجة ؟
لو جالها شلل في يوم ؟!
🧔 يوسف ( صوته بيعلى بشويّه وجع وحب ) :
آه … مستعد
ولو اتجوزت واحده سليمة وجالها سرطان ؟
هطلّقها ؟
👁️ المرض مش عيب … العيب إننا نهرب من الإنسان علشان خايفين من احتمال مرضه واعرفي أن في الوقت ده هكون انا العبء لأني خايف أتحمل اي مسؤوليه
👩🦳 الأم ( بتسكت لحظة … بتفكر ) :
طيب … يعني ما ينفعش تخلفو ا صح ؟
المرض بيأثر على الحمل !
🧔 يوسف ( بابتسامة دافيه ) :
بالعكس يا أمي … معظم البنات اللي عندهم MS بيخلفوا عادي
🖖 والمفاجأة إن الحمل بيحسن حالتهم مؤقتًا ♨️ 👁️♨️
👩🦳 الأم ( بنظرة فاحصة ) :
طب والأدويه ؟
ما هي بتاخد مثبّطات مناعه !
مش خطر ده ؟
🧔 يوسف :
هي متابعه مع دكتور متخصص … وكل حاجة تحت السيطره
وفي وقت الحمل فيه بدائل مناسبه
المرض ليه بروتوكولات واضحه دلوقتي … مش زي زمان
👩🦳 الأم ( بصوت واطي شويه ) :
أنا مش خايفه منك يا يوسف …
أنا خايفه 👁️ ( عليك )
مش عايزه أشوفك بتتألم وانت شايل حاجه فوق طاقتك
🧔 يوسف ( يمسك إيديها بحنيه ) :
وأنا كمان مش عايزك تقلقي …
بس أوقات السند مش في الهروب
السند … إنك تختار حد يستاهلك … وتكون ليه الأمان ♨️
👩🦳 الأم
( بتتنهد بنظرة رضا مليانه خوف )
🌀 طيب يا ابني …
بس عايزاك توعدني … ان طالما اخذت القرار إياد ترجع وتسيبها ولا تحسسها إنها كانت لحظة شفقه أو عطف مش حب بإخلاص ...
إنك تكون دايما جنبها … حتى لو الدنيا صعبه عليك .. استحمل وتكون رجل والرجوله مواقف وصفات مش نوعوده زي ما ابوك رباك ...
🧔 يوسف ( بحسم وبهدوء )
أوعدك 👉 ❣️ 👈 وأوعدها
🌀 الأم .. 🤲♥️🤲
يا رب يا ابني تكون هي السكينة اللي كان قلبك بيدور عليها ويرزقكم بالستر والامان والسكينه ☀️
♨️👁️♨️
( مشهد بسيط … لكن الحقيقه عمرها ما كانت بسيطه )
إعداد : Ahmed Esam
Ahmed 3Esam Ms احمد عصام
🤲♥️🤲
ساعد في النشر والارتقاء بنا عبر مشاركة رأيك في الفيس بوك
|
|
|
|