تخزين الخضار لتطبخي بدون وقت طويل

الخضار , تخزين

تخزين الخضار لتطبخي بدون وقت طويل

أولاً : تخزين البامية


بتجيبي البامية عادي جدااااااااااا وتقمعيها وتغسليها طبعا وبعدين تخلي مية تغلي علي النار وتعصري فيها ليمونة وتنزلي البامية يادوب ثواني وتشيليها علي طول علي مية بتلج ضروووووووووووووووري وتسيبيها لحد متبقي ساقعة اوي صفيها كويس وفي اكياس وعلي الفريزر


تخزين الخضار لتطبخى بدون مجهود ووقت طويل

ثانياً : تخزين البسلة

بتجيبي البسلة وتفصصيها عادي وتغسليها وتصفيها كويس اووووووووووي وتجيبي جزر واغسليه وقشريه وقطعيه مكعبات وحطي بسلة علي الجزر وقسميهم في اكياس وعلي الفريزر

تخزين الخضار لتطبخى بدون مجهود ووقت طويل

ثالثاً : تخزين الملوخية

هاتي الملوخية وقطفيها واغسليها كويس اووووي ونشفيها كويس من المية وبعدين خرطيها وحطيها في اكياس وعلي الفريزر في ناس بتحط عليها شوربة او مية سخنة وتشيلها كدة نصيحة مني بتسود لكن لما تخرطيها وتشيليها لوحدها بتبقي زي الفل

تخزين الخضار لتطبخى بدون مجهود ووقت طويل


رابعا : تخزين ورق العنب

جيبي ورق العنب واغلي مية بحبة كمون صغيرين ونزلي ورق العنب ثواني وطلعيه علي مية بتلج واول ميسقع صفيه كويس وفي اكياس وعلي الفريزر من غير متشيلي عنقوداته ولا تفكيه اصلا لما تطلعيه عشان تطبخيه ابقي اعملي كدة

تخزين الخضار لتطبخى بدون مجهود ووقت طويل

خامساً : تخزين الكرنب

هاتي الكرنب واغلي مية برضه بحبة كمون ونزلي الورق فيه لحد ميطري وشيليه علي مية ساقعة وبعدين امسكيه قطعيه علي مقاس مبتلفيه وبعدين كيسي وعلي الفريزر يادوب هتطلعيه يفك وتحشيه وتسويه

تخزين الخضار لتطبخى بدون مجهود ووقت طويل

سادساً : خضرة المحشي

تجيبى الشبت والبقدونس والكزبرة يتغسلوا كويس ويتشال الجذور وبعدين قطعيها وكيسيها وعلي الفريزر ولما تحبي تستخدميها اوعي تطلعيها تفك ابدااااااااااا كدة هتنزل ميتها وهتبقي عاملة زي العجينة انتي حابة تستخدميها يبقي متطلعيهاش غير لما تكوني هتحطيها علي طول في الطبخ يعني تطلعيها مجمدة علي النار عدل

تخزين الخضار لتطبخى بدون مجهود ووقت طويل

سابعاً : خلطة المحشي

بتجيبي بصل وتحطي سمنة علي النار واول متسخن انزلي بالبصل ولما يبقي ذهبي حطي عليه الطماطم المعصورة وملح وفلفل اسود وبهارات مشكلة وفي بهارات بتتجاب من عند العطار اسمها بهارات محشي وسيبيها لحد متتسبك وبعدين اطفي عليها وسيبيها لما تبرد خالص وشيليها في الفريزر ولما تحبي تستخدميها يبقي تطلعيها تحطيها علي النار وبعدين تحطي عليها الخضرة تاخد غلوة بالظبط واطفي وبعدين تكوني غاسلة الرز ومصفياه وحطيه عليها

تخزين الخضار لتطبخى بدون مجهود ووقت طويل

ثامناً : الثوم

اظن ده مفيش اسهل منه جيبي التوم وفصصي وعلي الكبة افرميه وشيليه علي الفريزر حبيتي تستخدميه طلعيه قبل متستخدميه بخمس دقايق بالظبط هيفك بسيط وتاخدي اللي تاخديه والباقي شيليه تاني

تخزين الخضار لتطبخى بدون مجهود ووقت طويل

تاسعاً : الليمون

اعصريه وحطيه فى مكعبات التلج واحفظيه فى برطمان فى الفريزر ولما تحتاجى طلعى مكعب

تخزين الخضار لتطبخى بدون مجهود ووقت طويل

عاشراً : الطماطم

بصوا يا جماعة ناس كتير بتعصر الطماطم وتشيلها معصورة بس اللي بيحصل انها بتعمل طبقة مية كتيرة جدا فانا بعمل ايه بأه بجيب الطماطم واغسلها واقطعها اربع واحطها على النار بدون اضافات لحد ماتغلى وتنزل ميتها للنص بضربها فى الخلاط واصفيها واعبيها فى اكياس
ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: أمور منزلية