و ظني فيك يا سندي جميل

و ظني فيك يا سندي جميل

شوفت النفس اللي خارج منك وداخل ده بكل سهولة ؟
احمد ربك واشكره عليه لأن غيرك مش قادر ياخده بدون أجهزة

شايف الكام ساعة اللي حضرتك بتنامهم دول ومش شايف أنهم نعمه
اقسم بالله العظيم غيرك مش قادر ينام ولا حتى يتقلب من شدة الألم فاحمد الله واشكره على ما أنت فيه

شايف علاجك اللي مش راضي تاخده ده بحجة إنه متعب؟
غيرك بياخد ماية نار في جسمه بتمشي تحت مسمى الكيماوي ويتمنى لو ياخد دواء عادي زيك فدائماً احمد ربنا واشكره على النعمه دي

شايف شعرك اللي مش عاجبك ده وعاوز تعمل عمليات علشان تخلي شكله حلو او تزرع الكام شعره اللي واقعه منه؟
غيرك مش عنده شعر ولما كان عنده كان بيمشي ايده عليه بيطلع الشعر بطوله في ايده وبينزل كله مع أول كام شاور
فاحمد ربنا على وضعك والنعمه دي

الخلاصه: كلنا بننعم بنعم كثيرة جداً جداً جداً ولا نعلم قدرها إلا بعد ضياع ولو جزء فقط منها ، نبكي ونقول يا ليتني
كل شيء تمر به الآن وإن كان عليك صعب غيرك يتمنى ولو جزء بسيط منه
دائماً لا تنظر إلى ضياع النعم من يديك وتقنط بل أنظر إلى باقي ما أعطاك الله إياه وغيرك يتمناه ولا يجده
وقل دائماً :
الحمد لله على نعمة اليوم العادي ، اللي بنشوفه روتيني ومُمل ، والحياة اللي بنشوفها بائسة ومفيهاش جديد ، الحمد لله على نعمة اليوم العادي المُمل اللي مفيهوش فُقدان عزيز ، ولا مصائب وحوادث ، ولا مرض وتعب ، ولا خُذلان وفشل ، الحمد لله على نعمه الكتيرة اللي غافلين عنها بجد .♥

شخابيط_إيجابية
قل الحمد لله
وظني فيك يا سندي جميل ❤
أحبكم جميعاً في الله ❤
عمر مهران

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: تجارب مع التصلب اللويحي