لا تصلي علي النبي بهذه الطريقة

لا تصلي علي النبي بهذه الطريقة

"ان الله وملائكته يصلون على النبى يا أيها الذين آمنوا صلوا عليه وسلموا تسليما"


الصلاة على النبى صلى الله عليه وسلم عمل صالح مستحب لننال به الثواب العظيم


وعلى المؤمن أن يكثر من الصلاه على النبى المختار عليه أفضل الصلاة والسلام


ولكن بشكل الذين يفعله بعض الناس فلن تكون الصلاة على الحبيب المصطفى حينئذ
مجلبة لصاحبها الثواب


فتخيل معى هذا المشهد:
-"واحد واقف على ناصيه شارع بيعاكس البنات فاتت واحده من قدامه يقوم حضرته يقولها
اللهم صلى على جمال النبى"
بذمتكوا دا يصح

-واحد تانى عاوز يوصلك رساله انك لازم تسيب حقك وتاخد على دماغك ويقولك يا عم صلى على النبى


-واحد تانى يفتح معاك كلام وعمال يجيب فى سيرة فلان وفلانه وانت تقوله دع الخلق للخالق يرد عليك ويقول يا عم صلى على النبى دا فلان ده عمل .................وفلانه دى عملت...........


وكله كوم والزفه كوم تانى



شوف انت بقى زفه الفرح والكل طبعا ناسى يلبس هدومه ولا الراقصه عماله تتمايل كدا وتتمايل كدا
والكل واقف عمال يصفق ويقول صلى على النبى صلى على النبى
واللى ما يصلى مش عارف أبوه ايه وامه ايه
بقى الكلام ده ينفع يا جماعه




طب هنقول دول ناس بيئه


طب تعالوا نشوف الناس الهاى كلاس وهم كلهم أخر خشوع والمغنى بيغنى أغنيه أسماء الله الحسنى
وفجاه وبدون مقدمات ساعه ما يقول اللهم صلى على أسعد مخلوقاتك سيدنا محمد
الكل يصفق ويتمايل ويقوم يرقص



عذرا رسول الله
المهم يا أخوتى واخواتى اننا ناخد بالنا بعد كدا من الحاجات والمواقف دى ونحاول ننبه بعض
لعل فى المستقبل القريب تنتهى المواقف دى كلها
ونبقى بكدا خدنا ثواب الصلاة على النبى وثواب الذين أهتدوا بسببنا الى الصواب


.
ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: مواضيع إسلامية عامة