كيكة التمر

التمر , كيكة

كيكة التمر

المقادير :
كوب دقيق
3حبات بيض
كوب سكر بني فاتح او (نص بني غامق ونص ابيض)والافضل السكر الي يجي رطب كنه تراب <<يازين الشرح خخخ
اصبع زبده
ملعقه بكنج باودر
نص ملعقه صغيره بيكربونات
ملعقه صغيره قرفه موب مليانه بس مسح
كوب حليب سايل
كوب تمر25حبه تقريبا
شوي فانيليا وشوي زعفران
3ملاعق جوز الهند او جوز مفروم شوي حبه سودا وسمسم على الوجه
الطريقه :

*نخلط الحليب والتمر بالخلاط دقيقه لاتطولين مره ممكن تخلطين وتوقفين وتخلطين وتوقفين لين يتقطع التمر لو فيه قطع صغيره ما انطحنت عادي..
*نخفق في زبديه الزبده والبيض والسكر ونحط عليه الحليب والتمر الي بالخلاط ونخلطهم بالخفاقه السلك اليدويه شوي بس ربع دقيقه<<عشان ماتخفقين واجد
*ننخل الطحين ونحط فوقه البكربونات والبكنج باودر وجوز الهند وشوي حبه سودا.
بعدها اخلطي كل شي سوا وادهني الصينيه بزيت وحطي طحين ملعقتين ثلاث بالصينيه المدهونه وطقطقي الصينيه على الرف وكبي الطحين الزايد برا وصبيها العجين ورشي الوجه ب السمسم ودخليها الفرن نص ساعه تقريبا انا اسوي نص مقدار في صينيه صغيره الي تجي مستطيله 10سم*25سم تقريبا اواسويها بقوالب كب كيك مجوفه اهم شي لاتفتحين الفرن ابد خليها على حراره متوسطه واتركيها ثلث ساعه بعدها طلي عليها افتح الفرن بشويش مره وشوفيها اذا تحسينها استوت طفي الفرن من تحت وولعي الي فوق شقريها وانتي واقفه لاتروحين لاتحترق خخ

*كيك التمر هنا بقوالب كب كيك مجوفه من تحت ولما قلبتها حشيتها نوتيلا.
ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: أمور مطبخية و منزلية