من الطـرائف العراقية

من الطـرائف العراقية

في إحدى المناطق واحد تزوج وحده ثانية بالسر عن طريق أصدقائه الذين سبقوه في الموضوع
وكل اسبوع يقول لزوجته الاولى:
رايح يم الحلال ( الغنم والجمال ) والمكان بعيد شوية
وعلی هل رنة جان مآخذ راحته الزلمة.

ٲجت عطلة المدارس قالت زوجته نريد نروح نشوف الحلال مالتك

كاللها تدللين
راح لربعه وكاللهم : ورطتوني وآني ما عندي حلال شسوي
كلوله سهلة كلش ولاتغث نفسك وتخاف
هذا تلفون أبوصالح خابره وملّك شغلة هو يرتب لك كلشي
صاحبنا خابر ابو صالح وقال له آني من طرف فلان؟

رد عليه ابوصالح ٲبشر،وصلت.بس انت رقمك بالدور 14(يعني بعد 13 واحد كدامه)واريد منك 200 دولار اتعاب

قال: بسيطه ودزله المبلغ

ابو صالح جهز الخطة ودزله العنوان

ٲجه الرجال ووياه زوجته و أولاده الصغار للمزرعة وكان يشتغل ويه ابو صالح رجال سوداني، و السوداني حافظ دوره علی اكمل وجه
اول شي السوداني كال للرجال

عمي تره الناقة الفلانية ولدت والبعير طاب من مرضه والعلف اللي جبته بقه شوية ياريت توصيلنه يجيبولنه قبل لايخلص الي عدنه
كل هذا والزوجة تسمع وكالتله الله يبارك لك بحلالك
ذاك اليوم ناموا بالمزرعة وابو صالح والسوداني مداريهم آخر مداراة

الصبح ولان السوداني حافظ شغله ودوره جاب كم حية وكم عقرب وكال للرجال

عمي هاي كلها اليوم كتلناهن داير مداير البيت الي نمتوا بيه ومالحكنا ع الباقين لان ختلوا

ٲول ماشافت زوجته العكارب والحيايي صاحت من الخوف والرعب

هسه ترجعني للبيت ما ابقی ولا دقيقة هنا وبعد ٲبد لتكولي نروح لحلالي،
وحدك تجي وتروح ،

آني والجهال توبة نجي وياك يم حلالك

المهم اذا احد منكم محتاج رقم ابو صالح آني بالخدمة

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: ألعاب وترفيه