ظني فيك يا سندي جميل

ظني فيك يا سندي جميل

عارف إنك زعلان ومخنوق من اللي بتمر بيه ، وكمان عارف إن إحساسك دلوقتي إن الدنيا وقفت قدامك وقفلت خلاص ، وبرضه عارف إنك وصلت بيك المرحلة إنك خلاص فقدت الشغف لكل حاجة في حياتك ، أنا جاي بس أقولك كلمتين:
متزعلش على أي حاجة ضاعت من بين ايديك وفكر ليه ربنا ضيعها منك علشان أكيد مكنش ليك خير فيها ، فما أصابك لم يكن ليخطئك وما اخطأك لم يكن ليصيبك
إياك تفكر إن الدنيا بتقف على حد أو على حاجه معينة فالمصيبة اللي كنت بتفكر فيها من زمان إنها خلاص نهاية الحياة ، خلاص عدت ومرت بحلوها ومرها وإنت دلوقتي بتقرأ كلماتي وأكيد بتقول الحمدلله ، فتأكد ما تظنه لن يمر سيمر فإن مع العسر يسراً إن مع العسر يسراً
خلي دائماً عندك شغف لتحقيق الأفضل واخرج من جو الإحباط اللي عايش فيه ودور الضحية ، محدش هيحس بيك إلا ربك ونفسك فخليك مع ربنا وعدي أي محنه بالتمسك بيه وبقوة إرادتك من الآخر كده جاهد نفسك أولا ولا تعلق شماعة الأعذار على أحد
وأنا بعتذرلك نيابة عن أي شخص زعلك في يوم من الأيام وبطبطب على كتفك وبقولك هتعدي بس أنت عافر وإياك تستسلم
صدقني الدنيا جميلة لمن يراها جميلة فالله سبحانه وتعالى يحب المتفائلين ومن يحسنون الظن به ، فضع دائماً رضاه أمامك وقم وانهض من جديد فمن اطعمك البارحة لن ينساك اليوم ولن يضيعك غداً
قل دائماً : وظني فيك يا سندي جميل



أخوكم عمر مهران

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: تجارب مع التصلب اللويحي