المرض الخبيث

المرض الخبيث

الفترة اللي فاتت الاورام الخبيثة انتشرت بشكل كبير ..و اورام القولون والشرج بشكل خاص
وبحكم شغلي في المجال ده بقولكم
الوقاية مهمة جدا.... وان العادات الغذائية السيئة سبب رئيسي في انتشار أورام القولون بشكل كبير..

الملاحظات اللي جاية دي مهمة جدا جدا ليك ولاولادكم و لأهاليكم..
١- جوع كتير.. صوم .. الجسم بعد صيام مدة طويلة بياكل الخلايا الوحشة .. البحث ده خد نوبل السنة اللي فاتت..
٢- قل بسم الله الرحمن الرحيم قبل أي أكل او شرب
٣- قلل سكرك علي قد ما تقدر.. العادة خلتنا ننسي طعم الحاجة وبنشرب وبناكل سكر لأنه الخلايا السرطانية بتتغذي علي السكر
٤- حاول علي قد ما تقدر ما تاكلش بره نهائياً ..اعمل أكل بره جوه البيت.. علي قد ماتقدر.
٥- كل فاكهة .. كل خضار كتير.. اغسلهم كويس بمياة وخل .
٦- إشرب مية نضيفة معدنية من شركة محترمة او فلتر كويس وتابع صيانته بإستمرار
٧- حاول علي قد ماتقدر تقلل استخدام الميكروييف ...خلي اكلك طازة احسن
٨- الزيت اللي تقلي بيه مرة ارمية.. وماتستخدمهوش تاني.. خليك كريم مع أهل بيتك ونفسك. وبالله عليك ماتحطش البطاطس والطعمية المقلية علي ورق .. هاتي مناديل.
٩- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها
١٠- لو بتقدر تجري اجري لومش بتقدر امشي كتير.. روح جيم ..العب تمارين في البيت ..الحياة حركة
١١- نام كويس من٦ الى ٨ ساعات .. نام بدري.
١٢- متشربش عصير معلب أبداً ..اعمل عصير فريش اشربه انت وأولادك.
١٣- بلاش مياة غازية بالله عليكم ..تخلص من العادة دي فورا .. مش هتستفيد حاجة وهتخسر كتير
١٤- ماتحطش الفتلة ولا الكيس بتاعهافي المية السخنة .. فضيها جوة المج وضيف عليها المية السخنة
١٥- اوعي تشرب حاجةسخنة في كباية بلاستيك .. البلاستيك بيتفاعل مع الميةالسخنة والنتيجة مش هترضيك .. الموضوع منتشر جدا في القطر و المواصلات والمؤتمرات.
١٦- إشرب قهوة .. بلاش نسكافية..بلاش كريمر.. انت مش عارف تصنيعه ازاي.
١٧- لو معدتك مفيهاش مشاكل.. إبلع قرصين ثوم كل يوم.. قبل الأكل اوبعده مش فارقة كتير..الثوم من مضادات الأكسدة القوية جدا
١٨- ماتحطش المياة في الثلاجة في زجاجات بلاستيك .. حطيها في زجاج .. ولو مفيش اتأكد ان رقم 5 مرسوم علي البلاستيك ..ده اكتر بلاستيك آمن
١٩- ابعد عن اللحوم المصنعة خالص..سوسيس .. برجر .. لانشون .. بسطرمة.. ولحمة مفرومة ..
هات لحمة من الجزار وخليه يفرمها ..انت مش عارف ايه اللي مستخبي جوا كل مكسبات الطعم دي.
٢٠- حاول ماتاكلش بعد المغرب اكلات ثقيلة .. الأيض الغذائي بيقل بالليل ..كل فاكهة .. كل زبادي .. كل جبنة قريش.
ختام.. احمي نفسك وعيلتك .. المرض وحش .. وحش جدا ..
إستمتع بالأكل والشرب.. بس كل أكل صحي واشرب شراب صحي .

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: نصائح طبية عامة