شفاء اخ مصاب

شفاء اخ مصاب

السلام عليكم انا مصاب تصلب لويحي رح اتكلم عن حالتي من اول ما صابني الms لحد اللحظة انا رياضي درجة اولى ملاكم وسباح ومغامر القفز عن مرتفعات بسنة ال 2019 كنت مخلص من بطولة الملاكمة والحمد لله ذهبية صابني بعد بفترة ما تقارب شهر غباش بالعين الجهة الشمال فجأة استغربت من الموضوع رحت على صيدلية فكرة انو لفحة برد واشي طبيعي اعطوني قطرة للعين وما استفدت ضليت اسبوعين على الحال رحت على دكتور مختص عيون جرب كل المحاولات ما زبط اشي قلي راجع المستشفى رحت على مستشفى الملك عبد الله المؤسس فحصوني وعملت فحص عند دكتورين لاكن ما اكتمل التشخيص عملولي صورتين رنين وحدة عادية و وحدة ملونة اكتشفو الدكاترة انو انا مصاب بلms طبعاً هون صار الدكتور الشاطر اللي بدو يستلم حالتي عشان يتاجر على روحي بالمال اجى الدكتور اللي بالمستشفى قلي كل من الطعام ما يحلو لك اي اشي طلعت من المستشفى بعد معاناة كبيرة من اسبوع دخول بغرفة بالمستشفى بعد فترة زاد الغباش لدرجة انو بطلت اشوف بعيني بالمرة يعني انعميت من عيني الشمال ضليت على الحالة هاي اسبوع فجأة اطّور الموضوع صار عندي هجمة عالكتف والقدم جهة الفخذ الهجمة عبارة عن صعقات كهربائية قوية كثير وحكة وخدران كامل وكان الألم الله لا يجعلو من نصيب حدا كثير مؤلم رجعت على المستشفى اعطوني ثلاث جرعات كورتوزون خف الوجع شوي اجى الدكتور بقلي علاجك بكلف 12 الف بالسنة قلنا ما في مانع المهم ارجع زي ما كنت مر اسبوع وانا ماشي عالكرتوزون هلك جسمي وتعب من الكورتوزون والادوية طلعت من المستشفى بعد بأسبوع تعرفت عالدكتور يحيى الله يجزيه كل خير ويطعمو الجنات الفردوس ويجمعو مع النبي شخّص حالتي كاملة وبعتت له صور الرنين وقلي بدك تبلش معي من اليوم البداية كانت عبارة عن اشياء غذائية يعني بأختصار (حمية غذائية) اول اشي قال عنو ابعد عن السكر القاتل والحلويات المدمرة للجسم ثاني اشي مشتقات الحليب والاجبان والاشياء اللاذعة مثل البصل والثوم والزعتر وكل اشي لاذع حرّار بلشت بالموضوع وقلي ركز على اكل الاكلات البحرية مثل الاسماك بجميع انواعها والخضار والفواكة واهم اشي عصير الجزر بلشت معو خطوة خطوة مر علي شهرين ونص بلشت عيني بالتحسن وراحت هجمة الكتف كملت معو وعملت فحص دم عشان يعرف شو النقص الفايتمن الموجود بجسمي بلشت اوخذ الفايتمن A عشان العيون ومجموعة من الفايتمينات اللي هو قررها وبلشت احسن غذائي واللي ساعدني اكثر اللي هو (الارادة القوية) ركزت مع الدكتور من اصغر الاشياء الى اكبرها بعد كمان ثلاث شهور رجع الي البصر مثل ما كان يعني عيني الشفاء فيها 95بالمية والهجمات راحت كلها والحمد لله بفضل الله وبفضل الدكتور يحيى راح كل الهجمات من جسدي والحمد لله صار الي سنة ونصف قربت اطبق السنتين من دون هجمات والوضع الصحي عندي 100/100 وما حدا بصدق انو انا معي ms الدكاترة بشكل عام ما عدا الدكتور يحيى عبارة عن تجار ارواح هدفهم المال فقط واتمنى من جميع اعضاء القروب تخلي همتك ومعنويتك وارادتك قوية شو ما كان وضعك انت/ي بتقدر تجتاز هاي المرحلة بس بدها شوية التزام احنا مش مرضى احنا عنا سوء غذاء فقط لا تحكي عن حالك انا مريض لا انت طبيعي ومثل كل الناس ما منفرق عنهم اشي واتمنى من الاعضاء التركيز على اللي بحكيه الدكتور لانو ولله العظيم ما استفدت غير على ايد الله ثم ايد الدكتور يحيى التزم بالقواعد والكلام اللي بحكيلك اياه الدكتور يحيى انسان بخاف الله والله يجزيه كل خير على العلم اللي عندو واللي بفيد الناس بدون اجر ولا مال غير دعائك الو واي سؤال بتحبو تسألوني اياه انا موجود وبعد اذن الدكتور اللي بحب يلعب رياضة مفيدة وبدون تعب وارهاق وبتفيدنا احنا المصابين بالms انا جاهز اخدم الجميع لوجه الله تعالى مثل ما تكرم الدكتور يحيى معانا الله يجزيه كل خير ويطعمه لذة دخول الجنة
#التزام_قليل_بعوضك_كثير
#خطوة_خطوة_مع_الدكتور
واتمنى للجميع الشفاء العاجل ❤
ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: تجارب مع التصلب اللويحي