الحواوشي الاسكندراني

الحواوشي الاسكندراني

مكونات عجينه العيش ( الخبز )*
ملعقه خميره فوريه + ماء دافى + ملعقه سكر + كيلو دقيق + كيس لبن بودره +شويه ملح + 2 ملعقه كبار زيت*
طريقه التحضير
جيبى الخميرة الفورية والماء الدافيء ومعلقة سكر وتسبيهم شوية وبعدين تجيبي الدقيق وتحطي عليه كيس لبن بدرة صغير والملح وتحطيهم على بعض وتضعى معلقتين كبار زيت وبعد كده تحطي الخميرة وتعجينيهم على بعض وتزودى ماء حسب الدقيق المهم إن العجينة أول ما تخلص تطلع ايدك نظيفة والعجينة مرنة وتسيبيها ساعتين علشان تخمر ودفيها بغضاء وكيس نايلون نظيف*
مكونات الحواوشى*
1/2 كيلو لحم مفروم +2 حزمه بقدونس اخضر + 2 حبه بصل كبار*
طريقه التحضير:-
قومى بفرم البصل و تدعكيه في ملح وفلفل أسود وبهار لحمة وشوية زعتر صغيرين وبعدين تفرومي البقدونس وتدعكيه في البصلة كويس أوي وبعدين تحطي عليهم اللحمة وتدعكيهم في بعض كويس وتسبيهم شوية في الثلاجة لحد ما العجين يخمر وبعدين تفردي العجين بالنشابة وحطي شوية دقيق تحته علشان ما يلزقش وشوية فوقه وبعدين تحطي اللحم في الوسط وتكوني فرده التاني وتحطيه فوقيه*
بالهنا والشفا
ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: أمور مطبخية و منزلية