عزيزتي هند ما تتشكرينا، نحن ما عم نساوي شي.
منجاوب الناس مش أكتر.
و إن شاء الله دايما" نقدر نجاوب الناس.
دعواتك إلنا نكون من أهل الجنة كتير مهمة بالنسبالنا،
الله يسمع منك و تكوني إنت معنا كمان بالجنة.
قصة عدم أخذك للكورتيزون ما تنهمي عليه،
بالمتل اللبناني: مانه (مش) هالأكلة الفايته هو !
و عسى أن تكرهوا شيئا" و هو خيرٌ لكم
لقلك قصة بتضحك صارت معي من لما إجتني الهجمة الأولى و الحمد لله الأخيرة من حوالي 14 سنة،
أنا عارف إنو ممنوع الإكثار من الملح كي لا يزيد الوزن
قمت لقيتها فرصة ، قلت نعمة من عند ربنا ليزيد وزني !
أنا كتير رفيع: طولي 176سم و وزني 58 كلغ !!!
صرت ما آكل بس ملح، صرت رشرش ملح بالأكل عالطالع و النازل !
نصحت شوي شي 2 كلغ بس كانت النصاحة زيادة ماي بالجسم، صار شكلي كأني بالون عبيته ماء،
رجعت خسرت الزيادة، شهر رجعت نحيف تاني !
عشان زيت الهيماني بالجزائر وضع الوكيل يلي إتصلتي فيه متل الوكيل عنا بلبنان، آخد الوكالة و ما عم يشتغل فيها،
يا ريت معي رأس مال كنت سافرت عدبي حكيت الوكالة و سحبتها منه.
الله كريم ما بتعرفي يمكن بكرا أنا إسحب الوكالة و صير الوكيل بلبنان و بتصيري إنت الوكيل بالجزائر.
إن شاء الله.