منتديات حبة البركة - فوائد و أضرار بذور الكتان

🔵قبل ماتفكر تستخدم بذور الكتان اعرف أنها بتستخدم بحرص شديد جدا في الحالات دي ‼️‼️

🔵١- مشاكل الغده الدرقيه لان فيها
cyanogenic glycosides

🔵٢- للرجال ..لان فيها phytoestrogen وده الإكثار منه للرجاله غلط وهو موجود فيها بكثره

🔵٣-سعراتها عاليه
يعني 100 جرام فيها حوالي 534 سعر حراري.( اغلبها دهون)
يعني المعلقة الكبيرة (10 جرام) حوالي 55 سعر حراري.

🔵٤- أثناء الحمل والرضاعة عشان الفيتواستروجينات اللي فيها

🔵٥- لو عندك مشاكل في القولون قويه..لانها مليانه الياف

🔵٦- لو بتاخد ادويه سيوله

⛔كل الحالات دي محتاجه اعتدال وحرص وعدم اسراف ( مش منع تام)

🟦فيما عدا ذلك بقي فهي قنبله مفيدات خد عندك

🟦95% من كربوهيدراتها ألياف.
عشان كده هي قليلة جدا في الكربوهيدرات( يعني مافيهاش سكر)

🟦الألياف الذائبة(٢٠-٤٠٪ من اليافها) بتساعد في تنظيم مستوى السكر والكوليسترول في الدم، وكمان بتغذي البكتيريا المفيدة في المعدة.

🟦(عشان كده لما تخلط بذور الكتان مع مياه، الألياف الذائبة بتعمل جل سميك، وده بيخليها زي الملين الطبيعي)

🟦وكمان بتقلل الشهيه وبتدي احساس بالشبع
والدراسه بتقول انها ساعدت الناس تخس حوالي كيلو دهون

🟦مليانه بروتين نباتي..صحيح مش كامل
لكن فيه أحماض أمينية مهمة للقلب والمناعة زي الأرجنين والجليتامين.

🟦وتعتبر من أغنى المصادر النباتية بالأوميغا-3( بعد بذور الشيا.)
🛑بس طبعا أقل جوده من الموجود في زيت السمك ( لانه محتاج يتنشط لسه في الجسم)

🟦فيها كمان فيتامينات ومعادن ا
💥اهمهم فيتامين ب1 💥(ثيامين)وده مهم للطاقة والأعصاب.والماغنسيوم

⛔اهم نقطه فيها بقي المواد النباتية..وركز معايا كده عشان دي اصل الحكايه

⛔ زي p-Coumaric acid وFerulic acid.( مضادات اكسده قويه جدا) بيحافظ علي خلايا الجسم وبينظم الهرمونات وبيقلل الالتهابات

Phytosterols
⛔بتساعد على تقليل الكوليسترول.
(بتقلل الكوليسترول الضار بنسبة 6-11% وتقلل عدد جزيئات LDL الضارة)

🛑في (لجنينات) ودي اهم نقطه بتشبه هرمون الإستروجين ، 🛑وموجودة بكميات كبيرة جدًا في بذور الكتان
🛑 دي بتقلل ضغط الدم جدا ( علاج مباشر )
🛑والالتهابات وبتقلل الآلام في المفاصل وبتقلل مخاطر أمراض القلب

🔵 ومؤثره جدا في الوقايه من السرطان خاصة المرتبطة بالهرمونات زي سرطان الثدي والرحم والبروستاتا.( لانها لها تأثير علي الهرمونات اللي ممكن تمنع الامراض دي او تقللها)

🔵 بتقلل مخاطر السكتة الدماغية وأمراض القلب.

🔵و كمان ممكن تقلل سكر الدم الصائم بنسبة تصل لـ 20% في بعض الدراسات.‼️بس خد بالك بقي

⛔ لازم تشرب مية كتير معاه عشان الألياف.

⛔يفضل تبدأ بكميات صغيرة (مثلاً معلقة في اليوم) وتزيد تدريجيًا.

⛔اطحنها قبل اكلها عشان تستفيد اكتر من فوايدها.