منتديات حبة البركة - يا حلم يا صوت وصدى

يا حلم يا صوت وصدى

الشمس ما تحجَب عن الناس بجّــلال
والحق واضــــــح والعـتب وش دليله
.
والفال وان طاب امســت النايفــة فال
والطامـــنة دوم الطـــــــــــمانة نزيله
.
ومن يخلف وعوده فلا هُــوب رجال
والنور يفرق مشـــــــــرقه من مخيله
.
والصدق نور و زايف الهـرج غربال
وامر الخـيانة للمراجــــــــــــل رذيله
.
قالـــوا ثلاث المسـتحـــيلات ب امثال
غولن و عنقــاء و الوفيّ لخــــــــليله
.
وانته أشـــوفك شلتها طَرق تخـــــتال
وارديتني في قاع جمـــــــــــر المليله
.
ياللي تبي في حلم الأطفال تغـــــــتال
ميّت أحبك وانت حــــــــــــبّك بخـيله
.
عـذرك تغــار و غيرتك سيل همّــــال
و انّي معـــــك ضيّعت كل الحصــيله
.
واني لغـــــــيرك يا منى الروح ميال
وان الخـــــــــيانة في عروقي دخيله
.
يا حلم يا صوت و صدى فيني هبال
متغلغل بروحي وانا في همـــــــــيله
.
حلمي معــك قد بدّل الحـال ب احوال
في مهجـتي في خافقي دوم اشـــيله
.
خلّي نعــــــــم خلّي و بالقلـــب نزّال
أن غبت ولاّ غـرت جد لي وســـيله
.
من قال انا عنك اقدر آعيش من قال
وانت الخفـــــــوق و قدوته يا دليله
.
عمــري بدونك يا بعد دنيتي مـــــــال
لنّك بعد عمـــــــري و روحي عديله
.
فيني غديت أحــــوال و آمال و امثال
حلمــــــي و ابي مــنّك تجي كل ليلـه
.
مابي منامي دون لقـــــــــياك يا مال
يا خلّ قلبي مـنوته يا خَـــــــــــــليله
.
تختال فيني ثم تجـني و تخــــــــــتال
و انا وربي شــــــــــــوقي أنهد حيله
.
واللي خلق فيني لك الشـــــــوق قتال
ماغيرك اللي لهفـــــــــــتي تمتلي له
.
ما بيك تبعد من ورى شمس الآمـآل
وابكي غيابك و الليالي طــــــــــويله
.
يكفي تعــال و بدّل الحال في الحـــال
واحـد و تســــــوى في عيوني قبيله
.
الشمس ما تحجَب عن الناس بجّــلال
والحق واضـــــح والعـتب وش دليله

بقلم الشاعر ماجد بن رتيق