منتديات حبة البركة - ركز في كل كلمة و مش حتندم

ركز في كل كلمة ومش هتندم

شايف الدكتور المحبط اللي بيصدرلك الهم والكلام السلبي وقالك ان حالتك سيئة وخلاص اتأقلم مع اللي حضرتك فيه ؟
اهو هو هو نفس الدكتور ده اللي استغرب لما شاف غيرك بعد فقدان الأمل في تحسنه شافه تاني على رجليه وكأنه مش مريض أصلا

طيب شايف حالة الاكتئاب و الإحباط المتملكة من حضرتك دي وحاسس إن خلاص مفيش أمل ؟
كلنا عشناها بس فيه اللي اتغلب عليها وعداها ، هتقولي محدش بيحس باللي حاسس بيه ، عارف والله المكتئب والمحبط محدش بيعيش اللي هو عايش فيه بس عاوز اوضحلك إن الدنيا جميلة بس حسب الجهه اللي بتشوفها منها وهقولك الحل في الآخر فخليك مركز معايا في آخر البوست

شايف طيب الأشخاص اللي اتخلوا عنك وحضرتك زعلان/ة على بعدهم وفراقهم؟
أهم نفس الناس دي اللي لو شافتك كويس ومعاك الخير مكنوش اتخلوا عنك فدور على الأشخاص اللي جنبك في محنتك واقفل عليهم قلبك واردف على اللي فات بالتراب وكأنهم متوجدوش في حياتك وهقولك برضه نصيحه في الآخر فخليك معايا ومتقفلش البوست

شايف بقا يا سيد الناس ويا ست البنات المستقبل اللي خايفين منه او الماضي اللي عايشين على ذكراه؟
أهو ماضيك ده خده درس فقط واحمد ربك إنه نجاك من مصائب فاتت واحمده أنه خلصك من ناس مينفعش يبقوا في حياتك وخروجهم أكبر مكسب ليك/ي
ومستقبلك برضه في ايهد ربنا اللي مستحيل ينساك ولا يتركك ركز بس وقرب من ربنا واترك توكالك عليه وهتشوف العجب العجاب في قدرته التي لا يعجزها شئ

وفي الآخر ركز بقا في الكلمين الخلاصة دول:
* إذا أخذ الله منك مالم تتوقع ضياعه فسوف يعطيك مالم تتوقع يوماً أن تملكه 🥰
* رضا الناس غاية لا تدرك ورضى الله غاية لا تترك فاترك مالا يدرك من أجل مالا يترك 👌☝
* لا يكلف الله نفساً إلا وسعها 💪👌
* اللي مترككش امبارح في عز محنتك مش هيسيبك النهارده ولا بكره وهينجيك بس خليه دائماً جوه قلبك❤
* حل الاكتئاب في كلمتين في كتاب رب العالمين " ومن أعرض عن ذكري فإن له معيشة ضنكا" ، فالحل قرب من ربنا وهتلاقي كل الأبواب اتفتحتلك 🥰
* متخليش حاجة توقفك أنت أقوى تقدر عليه 💪❤

شخابيط عمر مهران