|
الجلسات الطبيعية
اول ما بعرف اذ هادا المكان الصحيح للموضوع
قبل فتره بدئت اروح جلسات علاج طبيعي لانه صار عندي عدم توازن بسيط في المشي فرحت ع جلسات وهيا جلستني بالاسبوع وانشاء الله كل مرة راح اكتبلكم شو عملت بهاي الجلسه عشان تستفيدو انا رحت امبارح اول جلسه اول شي عملنا انه انا اعدت ع جهات وحطتلي خمس كيلو ع كل رجل وحكتلي احاول ارفعهم وكررتلي هادا الشي اكتر من مرة وتاني شي خلتني اعد ع السايكل خمس دقايق وحكتلي انه كمل يوم ازيد دقيقه واخر شي حكتلي وطلبت مني وحكت انه لازم كل يوم امشي نص ساعه ع الاقل بتمنى تستفيدوا وبحكيلكم الباقي في الجلسات التانيه |
يااا عمري ان شاء الله خيررر والتوفيق بكل امورك وجلساتك وكل الشكررر لتواصلك معناا جميعاااا وبدايه موفقه كثيرررررررر وما تتركيهم ابداااا اناا كمان سجلت في مركز خاص للتمارين والمساجات وغيروااا والاسبوع القادم راااح ابلش 3 مرات اسبوعيااااا وبالنسبه للمشي نصف ساعه الكل حكالي على هل الامررر وعم اتبعوااا بس كيف خبرتني المعالجه الطبيعيه انوااا ما امشي نصف ساعه وراااااء بعض حكت كل 10 دقائق لوحدهم وارتاح واكمل يلااااا المهم ما نستسلم ابدااااااا بالتوفيق وناطرين اخبارك اول في اول |
أختي شمس إن شاء الله العلاج الطبيعي رح يكون مفيد كتير بس ياريت تخبرينا شو اسم المركز أو المستشفى يلي بتروحي عليه منشان العلاج الطبيعي وكيف شايفتيهم شاطرين إن شاء الله؟ |
اخوي محمد انا بدأت بالعلاج بالمستشفى الكويتي بالشارقه وهناك كتب لي الدكتور العلاج الطبيعي بس عشان التوازن يعني بالاجهزه وكمان طلبت مني اني اتمرن على المشيي على خط مستقيم بالاضافه الى تمارين بالبيت وهم على العموم شاطرين في طبيبه كتير مريحه وشاطره ان شاء الله اخوي محمد اكون افدتك
|
أختي شمس أكيد الطبيب Nick هو يلي كتبلك العلاج الطبيعي أنا بصراحة رحت كم مرة على هالمستشفى بس المشكلة لازم الواحد يلف شي نصف ساعة لحتى يلاقي موقف للسيارة ولازم ينتظر بالساعات حتى يدخل لعند الطبيب والمشكلة انه بيكون معي زوجتي وطفلي فصعب انتبه عليهم وأنا لوحدي وكذا مرة قلت له يادكتور ما بيصير تعاملوا مرضى التصلب كأنهم مرضى عاديين لازم يكون لهم أولوية ما بيصير تخلوهم ينتظروا كتير وبيني وبينك كأني عم أحكي مع حيط ومن فترة طلبت منهم تقرير طبي لزوجتي تخيلي رفضوا يكتبوا على التقرير ان مرض التصلب مرض إعاقي قال لأنه هالمرض مش مرض إعاقي فقلت له كل أطباء ومستشفيات العالم بيعرفوا أن التصلب اللويحي مصنف مع الأمراض الإعاقية ومع هيك رفض يكتب أنه إعاقي قال لأنه لو كتب إعاقي فلازم انهم يعالجوا ويعطوا زوجتي حقن الريبيف مجانا وهم ما بدهم يعطونا شي مجانا من شان هيك ما بدهم يكتبوا انه مرض إعاقي الحمد لله على كل حال أختي شمس المهم الله يوفقك بتدريبك وإن شاء الله تتحسني أكتر وأكتر وأنصحك أنك تعيدي التدريبات بالبيت وتحفظيهم منيح والأهم انك ما تعبي حالك وتريحي فورا لما تحسي انك تعبتي وحاولي تعملي حجامة رح تحسي بفايدة كبيرة لما تسويها والله الشافي والموفق |
اقتباس:
كتير انبسطلك...كتير كتير®®®®®®®® بس دوما خبرينا عن جلساتك؟؟لنطمن عليكي اكتر؟؟؟ونتعلم منك اكتر كمان®®®®®®®®®®®®®®®®® |
اقتباس:
وشكرا والله يشي زوجتك كمان ((ع فكره بالنسبه للموقف في موقف مجاني خلف المستشفى الكويتي واسئل عنو لانه بكون فاضي وما بتغلب وانا بصف السيارة ®®®®®®®®®®®®)) سؤال اخير كيف اخبار زوجتك واحوالها؟ انشاء الله منيحه |
اقتباس:
|
زوجتي بخير والحمد لله والمشكلة النفسية عندها هي أكثر شي متأثر ورجلها اليسار بتتعبها أحيانا الله يشفيها يارب ويشفيكي ويشفي كل مريض آميـــن وبخصوص الدكتور مثل ما توقعت طلع هو نفسه ولكل المرضى بيعطيهم كالسيوم وحبوب برتقالية عبارة عن فيتامينات منوعة وأكثرها فيتامينات ب يعني وصفة وحدة لكل المرضى أنا بفقد الثقة بأي طبيب بيوصف أي دواء حتى لو كان فيتامين من غير ما يطلب أية تحليلات للكشف على مستوى الفيتامينات بالجسم حسبي الله ونعم الوكيل وعلى فكرة حاولي شي يوم تطلبي يكتبوا كلمة مرض إعاقي بتلاقيهم رح يرفضوا رفض قاطع وبخصوص الموقف المجاني أول مرة بسمع فيه رح أسأل عنه ولي طلب أخير أختي ياريت لو عندك رقم الهلال الأحمر وموقعهم والله يعطيكي العافية |
أخوي محمد شفاها الله وعافاها وعافانا جميعا اخوي بالنسبه لوجع الرجل فانا لدي نفس الوجع بالرجل اليمنى وهدا طبعا عند التعب ومع الراحه الحمد لله يروح ------------- اخوي احضرت لك رقم هاتف الهلال الاحمر في الشارقه (065229666) والدوام كل يوم من الساعه ثمانيه الى الساعه 12ومن الساعه 5الى الساعه 8 مساء جرب انا صار لي 3 اشهر مقدمه الطلب ووعدوني قريب ان شاء الله أخوي محمد بالنسبه للموقف المجاني وانت جاي من الشارقه قبله المستشفى يوجد يوتيرن وعلىيساره محطة بنزين تعمل اليوتيرن وبعد المحطه اول دخله على التراب وعلى يمينك الموقف بداخل باب حديد كبير ان شاء الله تلاقيه لانه اريح يعنى بتكون على راحتك انت والزوجه لانه مواعيد الطبيب شوي طويله بالشفا ان شاء الله
|
اقتباس:
الله يشفينا جميعا ولا يحيجنا الى اي تمرين®®®®® |
حبيبتي شمس الى الامام اكثرررر يارب .................... ربي يشفيناااا جميعاااااااااااا مشكوره على المتابعه كثيررررررررررر |
أمين الله يشفسنا جميعا ان شاء الله
|
كيفك عزيزتي شمس مع جلساتك الطبيه عم بتابعي اوعك تهملي ... انااا اليوم كان عندي اول لقاء ومنجد كان كثيرررر رااائع تمارين اكثررر للتوازن وحركات الارجل .... يلا كمان انااا راااح اتابع معك الجلسات دائماااا بانتظارك |
ممتاز حبيبتي انا كمان اليوم قبل ساعه كان عندي جلسه واليوم كان التركيز على رفع الاثقال بالارجل تقريبا 5دقائق بعدين على جهاز التردمانت المره الماضيه 5دقائق وهاي المره زياده كمان ثلاثه بعدين بدات اتعب فتوقفت وبالنهايه البايسكل عشر دقايق طبعا بالاضافه للتمارين الباقيه اللتي اعملها بالبيت لعدم حاجتها لاجهزه ما بعرف لله الحمد فورا ارتاح خاصه بالبايسكل المهم حبيبتي انتي كيف ان شاء الله بالشفاء للجميع
|
اقتباس:
انا الحمد لله بخيررر وماشيه كثيررر مع التمارين كمان بخصص كل يوم في الصباح مشي شي 30 دقيقه طبعااا مو مع بعض بس بمشي والتمارين اااكيد متابعه معهم وراااح اخبرك مع كل جلسه كيف ؟؟؟؟ |
اليوم كمان كان عندي لقاء . العمل كان على تمارين للتوازن بشكل واقف يعني كنت امسك بالسلم وانزل بشكل عامودي وطبعاااا بصوره بطيئه والثاني العمل بشكل عكسي يعني ارفع حالي حتى اصل لاطراف اصابع رجلي ومن ثم النزول بشكل بطيء جدااااااااااااااااااا وهيك عدة مرات بس اهم شي ما نتعب ووقت التعب لازم نترك ونرتاح |
كويس بالظاهر كل طبيب غنده طريقه مختلفه انا لا الدكتوره بتخليني امشي على خط مستقيم وطبعا المسافه ضيقه وزي ما قلتي دايما بتقول لي اول ما تتبعبي وقفى مع متابعة التمارين بالبيت بانتظار موعدي معاها الثلاثاء بعد العيد ان شاء الله
|
اقتباس:
تسمحي تقليلنا عن جلساتك الطبية مع التوازن؟؟؟ لاني انا كمان بحاجتها |
اقتباس:
من عيني يا عمري .... انااا راااح اخبركم بكل الجلسات اول في اول شو بنعمل واليوم كان في الي لقااااء عن التوازن ... العمل كان على تمارين للتوازن بشكل واقف وجهي لجهة الحائط او السلم او اي شي بينمسل من الجهتين يعني كنت امسك بالسلم وانزل بشكل عامودي وطبعاااا بصوره بطيئه ارفع بشكل عادي اما النزول بشكل بطيء....... والثاني العمل بشكل عكسي يعني ارفع حالي حتى اصل لاطراف اصابع رجلي ومن ثم النزول بشكل بطيء جدااااااااااااااااااا بتمنى اكون شرحت بصوره واضحه وهيك عدة مرات بس اهم شي ما نتعب ووقت التعب لازم نترك ونرتاح |
تشكري كتير كتير اختنا هنيدة
بس صراحة ماكتيرتخيلت كيف هالحركة بس انا شو بعمل؟؟؟بوقف ع طرف المكتبة وبسمكها من ناحية وتاني ايد بالحيط................وبرفع اجري لتعمل زاوية قائمة بالتناوب مع الاجر التانية.........................بالاضافة لحركاتنا المعروفة شوووووووووو منيح هيك؟؟؟؟ خبرينا فراشتنا؟؟؟؟؟؟؟؟؟؟؟؟ ما احلى هالفراشة؟؟؟؟وبتلعب رياضة كمان |
اقتباس:
حبيبت قلبي ما اطيبك لازم كلنااا نعمل رياضه شوفي ... راح ابلش من جديد بتوقفي بخط مستقيم ووجهك للمكتبه وطبعااا بتمسكي من الطرفان بعدهاااا بتنزلي بخط مستقيم لتحت قد ما باستطاعتك بس يعني تا توصلي لزاويه 60 هيك معقوله وبترجعي كمان بخط مستقيم بصوره بطيئه بتكرري هل التمرين على قد ما تقدري خلال النهار الثاني .... بنفس الوضع او الشكل بس بتشدي جسمك كلوااا لفوق حتى توصلي لرؤس اقدامك ومن ثم بترجعي شوي شوي وهاي اهم شي بالحركه انهااا بصوره بطيئه ..... وكمان تمرين ... بس وانتي جالسه على الكرسي بتصيري تحركي كف رجلك من الامام يعني بيبقى كعب الرجل على الارض وبتصيري تحركي الكف لفوق ولتحت كل مره رجل .... يارب اكون شرحت صح ووصلت المعلومات صحيح |
اقتباس:
فهمت عليكي تمام؟؟؟؟؟ وانا صراحة بس قريتها اول مرة؟؟؟؟قلت ما فهمت كيف؟؟؟ بس رجعت المسا تخيلتها!!!!!!!!!!!!!!عرفتها®®®®®®®® |
واليوم كمان كان في جلسه من الصبح حكيناااا خلص العيد ورجع العمل ... المهم ...... كان تمرين اليوم على التوازن لطلوع ونزول الدرج واكثررر لتقوية عضلات الارجل كمان ... كيف ؟؟؟؟ بنقف على الدرج في حالة نزول طبعاااا لازم نمسك من الجهتان .. وبعدهاااا بنوضع رجل على الدرجه وتكون ثابته الثانيه في حالة نزول وبعدهاا بنرجعهااااا لمكانهاااا جنب رجلناااا الثانيه طبعااا الحركه بصوره بطيئه وشوي وشوي كثيررررر مره في رجل اليمين ومره في رجل الشمال ..... يعني كاناااا بننزل الدرج بس ما بننزل بنبقى محلناااااااا اه كمان انتبهواااا انوا ركبة رجلناااا الي بنزلهاااا ما تكون مائله لازم تكون في وضعهااا الطبيعي يعني حركتهااااا للامام .... دغريه ............. يارب اكون شرحت صح ومفهوم 000 |
اقتباس:
فهمناها تمام.®®®®®®®®.....الله يعطيكي الف عافية للاماااااااااااام للشفاء التام باذن الله لنا جميعا |
يسلمو حبيبتي هنيده انا لسه ان شاء الله موعدي يوم الثلاثاء ورايحه ان شاء الله تكون اول جلسه بعد العيد وحنكون على تواصل ان شاء الله
|
اقتباس:
ان شاء الله خير بالتوفيق ... بانتظارك |
اليوم كان في عندي جلسه طبيه جلستي كانت تتكلم على تقوية عضلات الارجل والتوازن تمرين اول .... بنقف بجنب شي حتي ما نوقع او نوضع فرشي خلفناااا المهم بنوقف بشكل مستقيم عااادي يعني وبننزل شوي وبهاي الصوره بنوقف 30 ثانيه ومن ثم نرتاح وبنكرر العمليه على قد ما نقدر طبعااا اهم شي ما نتعب اووووعكوا والتعب تمرين تاني .... بنستلقي على ظهرنا .. على السرير ... بخط مستقيم ومن ثم نتخيل كانااا بنسوق دراجه بنحرك رجل ورجل مرتاحه وبعدهاااا بنريح الرجل وبنتعب الرجل الثانيه بس اهم شي مووووو كثيرررررررررررر لا لا لا لا لا للتعب |
فعلا اختي هنيده لا لا لإلإلإلإ للتعب أنا مبارح كان عندي جلسه علاج طبيعي عملت تقريبا نفس التمارين ب الاضافه الى النزول والطلوع على خشبه تشبه الدرج لكن يبدو اني بالغت بالتردمن والبايسكل فمن مبارح وانا تعبانه مش قادره اوقف على رجلي كويس ووجع الله لا يورجيكي يمكن كمان انه المسافه بين المستشفى وبيتي تقريبا ربع ساعه الاهم اني من امس وانا نايمه ان شاء الله بكره بيكون احسن بس للاسف مش حقدر اكمل بكره الجلسه وراحااجلها للاسبوع الجاي
|
اقتباس:
اهم اهم شي راحتك يااااااااااااا شموس ويعطيكي الف عافية يا رب والله يقويكي اكتر.............. ويقوينا جميع |
اقتباس:
انا تمرين البايسكل عالتخت!!!!!!!!! وصاني فيه الدكتور كتير!!!!!!!!!! قلي اعمليه بس تفيقي؟ بس لتنامي؟ اهم شي ع رياحتك بس يسلمووووووووووووووو الك اختنا هنيدة وكمان شموسة الحلوة كتير بنبسط فيييييييييييييكم بقرا وبطبقها بنفس اليوم®®®®®®®® |
اقتباس:
بالتوفيق حبيبتي بس طمنينا اذا بتلاقي تحسن او اي شي تاني .... |
اقتباس:
بحس حالي انشط.حركة اجري اخف كتير برتاح فيهم الحمدلله الله يعطيكم العافية ويقويناااااااااااااااا يارب كلنا |
أمين يا رب الله يقوينا جميعا انا اليوم لسه براحه بتحرك اخف من اول وبحاول زي ما طلبت مني الدكتوره المشيي بخط مستقيم لانها قالت لي الحمد لله عضمك قوي بس التوازن لسه بده وقت يارب اعطيني الصبر والقوه لانه اليوم حقيقي تعبانه ومش جاي علبالي اعمل اي شيي
|
أختي شمس سلامتك ان شاء الله نصيحة من مجرب حاولي تعملي حمام دافىء واشربي كوكتيل حليب وموز وفريز وعسل مرتين في اليوم لأن الموز كتير كويس مع وبيخفف التعضيل وآلام ما بعد الرياضة بس اشربي بكأس كبير وحاولي إذا بتقدري تخففي أكل اللحمة شي كم يوم وكتري من أكل السمك والخضروات والفواكه وخاصة (أفوكاتو-كيوي-بطيخ أحمر-تفاح-موز) وألف لا بأس عليكي |
مشكور كل الشكر اخوي محمد . على فكره انا الحمد لله استلمت الدواء امس من الهلال الاحمر بعد اربع اشهر بس اخيرا استلمته
|
اقتباس:
حبيبتي سلامتك يا عمري ارتاحي كثيرررررر اليوم ما بصير شي رااااحه زياده وعلى مهلك كثيررر باي عمل تاني ............ ومثل ما نصحك اخي محمد ردي عليه مهم كثيرررررررررررررر ... ديربالك على حالك كثيرررر انتي غاليه كثيرررر |
تسلمي حبيبتي هنيده هدا اللي عاملته اليوم راحه تقريبا وبعمل واجباتي اليوميه وبرتاح شوي ان شاءكل شيي حيكون تمام زي ما بقول لحالي كل ما بتعب انا مش تعبانه ,انا مش مريضه لانه لما اتذكر المرض بتعب اكتر انتو بتعرفو قديش مهمه اخوتنا النا جميعا
|
اقتباس:
لا تشكريني أختي هذا واجبي والحمد لله على انهم أعطوك الدواء وان شاء الله يكونوا أعطوك كمية تكفي لأشهر والله يا أختي الشكوى لغير الله مزلة والحمد لله على كل حال المهم هلأ إذا مارح تسمعي كلامي اسمعي كلام اختك هنيدة وريحي حالك وكلي متل ما قلت لك واليوم جيبي على الغذاء سمكة مشوية وألف صحة وهنا |
أخوي محمد اعطوني دواء فقط لاربع اشهر لانه هذاالمسموح به وطبعا بس مره بالسنه ممكن يؤمن الدواء من الهلال الاحمر اللي غيره ما بعرف وباقي المده على الله اللي ما في احسن منه ما بينسى حدا سبحانه
|
| الساعة الآن 11:33 PM. |
Powered by vBulletin
Copyright ©2000 - 2024