عضوة جديدة
 

انا جديدة معكم بتسمحولي اكون صديقتكم
اول شي بعرفكم بحالي
اسمي ريم وبشكركم كلكم على موقعكم المفيد وبشكر الدكتور سعد صاحب الموقع هو ما بيعرفني بس انا على طول بقرأ تعليقاتوا وتعليقاتكم يعطيك العافية دكتور سعد على الموقع بس مابرح حاولت كتير افتح بالليل بس كان يطلع لي صورة ستوب المهم انا عم آخد ملعقة حبة البركة كل يوم بس ما كتير أثرت فيني مابعرف ليش
وكتير شدني موضوع المتاسفة حبيبتي الله يعطيك العافية حبيبتي لانك رح تساعدينا لنوصل لعلاج مرضنا بتعرفي انا معي هالتصلب من خمس سنين وهلأ يادوب بمشي وقال لي دكتوري ان حجم المخ عندي صاير صغير وتركت الجامعة وبطلت روح عليها وهلأ انا قاعدة ببيت اهلي الله لايحرمني منهم
أنا عم ادعيلك كتير يا متأسفة يا حبيبتي لحتى توصلي للحقيقة بتعرفي شعارك كتير حلو وألوانه بتجنن هايدا بيدل على ذوق الدكتور سعد الله يعطيه العافية
يمكن حكيت كتير بس والله لا بروح ولا بجي محل وكل النهار قاعدة لحالي بالبيت يارب اشفى لحتى ما اقعد بالبيت بالمرة ورح اعمل كتير شغلا لوجه الله يارب اشفينا يارب

ييييي
والله خجلتوني انا حبيتكم كتير من دون ماشوفكم
حبيبتي مجموعة انسان انا بشرب زيت تاكت
وحبيبتي هنيدة شفت التصميم التاني كتير حلو بس انا عجبني هايدا الأزرق لأني بحب اللون الأزرق بس يعني هلأ كل ما بدي اختار تصميم لازم أفرمت الكمبيوتر بس هيك مشكلة شو لازم يكون عندي كمبيوترين يعني لكل كمبيوتر تصميم ياريت تفهمون انا ماكتير شاطرة بالبرمجة

هلأ جهازي كل شوي بنطفي لوحده مابعرف ليش وأخده البابا من اسبوع لعند محل بالشارقة رجع متل ما أخده يعني شو بسوي هلأ بقدر فرمته أنا لوحدي فيك ممكن حد يعلمني وفي شغلة تانية ان كل ما افتح الأنترنيت بيفتح اكتر من صفحة لوحده شو بدي سوي مشرفة هنيدة قالت ما بده فرمته طيب شو بدي اعمل كل مكون عم سوي شي بينطفي لوحده وكمان كتير بطيء تقريبا ربع ساعة بياخد لحتى يشتغل وقال يلي صلحه هايدا امر عادي لان شاشته عشرين انش طيب لو اشتريت شاشة أصغر يعني بيصير جهازي اسرع بس ما بقدر شوف منيح بعدين ياريت حد يساعدني إذا بيعرف لأن يلي عم صلح عنده البابا قال لي ان كل روحة عم ياخذ 200 درهم وما كأنه صلح شي صرنا دافعين أكتر من 600 درهم بشهر واحد والله حاسة انه عم يخربه ما عم يصلحه

حبيبتي هنيدة الحمد لله أني تعرفت عل ناس متلكم ليش ماعرفتوني على حالكم من زمان

مشرف محمد انت خجلتني كتير كتير
يعني معقول لسا اليوم اشتركت معكم وكل هالكرم عليي يالله لسا في ناس هيك مثلكم البابا كتير رح يفرح بموقعكم بس احكيله عنكم وبس ترسل لي رقم حضرتك رح أعطيه للبابا بس مابنرضى غير تاخذ حق تصليح الكمبيوتر يعني هداك الزلمة ياخد 600 خلال شهر وما كأنه عمل شي وانت ما بدك شي هي ماعدل مشرف محمد يعني برأيك انا ما بيطلع بإيدي فرمته ما عرفت الشغلة اكبر وبدها مختص
ماشاء الله عليك الله يحميك يعني انت دكتور وبنفس الوقت هيك بتعرف تصلح برافو عليك
مشرف محمد انت من أيمت مناصب بالتصلب وشو عم تستعمل ابر وكيف حالتك هلأ بتمشي عادي ان شاء الله ما يكون مأثر عليك كتير التصلب

شكرا مشرف محمد والله فكرتك عم تمزح لما قلت بتصلحه ومفاجأة انك كمان بنفس البلد يلي نحنا عايشين فيها يعطيك العافية مشرف محمد انا كتير كتير خجلانة منك والبابا قال لي لما كلمك ان باين عليك انسان محترم الله يشفيلك مرتك استاذ محمد
اليوم البابا رح يتصل عليك مرة تانية وبيسلم عليك كمان

الله يكثر من أمثالك لحد هلأ ماعم صدق يلي عم يصير اليوم بشترك بموقع وبتعرف على ناس كأنهم ملائكة الله يحميكم

عزيزتي ريم،
السلام عليكم ورحمة الله وبركاته. الآن عدت إلى المنزل وفاضيلك الك ولغيرك لأرد عليك.

®®®®®®®®®

انا آسفة مهندس سعد كتير خجلانة أنا الله يخليك لاتزعل مني بعرف حالي بخربط كتير والموقع يمكن ما فتح لان كان كمبيوتري خربان وكله فايروسات وبلاوي الدكتور محمد بنفسه صلح لي ياه الله يحميه بتعرف مبارح سألت الدكتور محمد عنك وقلت له ياريت لو اجا معك دكتور سعد وهو فهمنا انك مهندس ماشاء الله عليك وقلبك لله وبتساعد القريب والغريب الله يحميك يا مهندس بس انا زعلانة منك معئول ارجع الجامعة انا وحالتي هيك انا بتمنى يا مهندس اني ارجع بس صعب عليي كتير وخاصة لان مخي صاير صغير كتير هيك قال الدكتور وخايفة يصغر اكتر وصير مجنونة انا الله يسترني يارب بس هلا متفائلة شوي بنوع التاني بدي اشتري منه ويارب يارب يارب اتحسن ويكبر مخي شوي مهندس سعد انت كيف كتبت هيك باللون الازرق مبارح ظبت معي مرة وما عم اعرف يظبت اكتب مرة تانية هيك باللون الازرق انا بعشق الازرق
هلأ انا بحكي كتير شي هيك حاسة حالي بس والله ما عندي حد احكي معه كل صاحباتي والقرايبين تخلو عني حاسة حالي وحيدة والله انا بحب الكل ليش هيك الناس بيعاملوني مهندس سعد انت كمان هيك جنتل متل الدكتور محمد حاسستك حلو كتير وانيق كتير متله الدكتور محمد تمام

اهلين بيكي اختي معانا نورتينا وسعدنا كتيير بوجود اخت طيوبه معانا حبيبتي الله يشفيكي ويعافيكي حبيبتي اليوم دخلت وقرات مشاركتك وسعدت لانا في نفس البلد حبيبتي حبيت اعرف منك ما معنى كلام الطبيب بان العقل صغر من المرض هدا كلام اول مره اسمعه فانا مصابه منذ تلات سنين وماشي وضعي ولله الحمد واهم شيي اني بحاول ان اخرج وانساه لاني كل ما فكرت بالمرض بتعب وامرض زياده عزيزتي لا تفكري فيه وابقي معنا

حبيبتي يا شمس اسمك كتير حلو حبيبتي بتعرفي انا كمان ما عم افهم كيف يعني عم يصغر مخي بس الدكتور هيك قال انا اول شي ماكان فيني شي وصار معي هالشي لما كنت لإجازة وفجأة على حسب كلام البابا والماما الله يحميهم هم صاروا يحكولي قالولي اني صرت اتصل من موبايلي بكل الناس يلي ارقامهم موجودة بالموبايل واشتمهم وابهدلهم حتى اني شتمت البابا الله يسامحني بس والله انا ما متذكرة شي من هالشي ابدا وبعد ما صار هيك البابا صار ياخذ الموبايل مني ومفاتيح البيت كمان لاني مرة طلعت برا البيت من دون حجابي الله يغفر لي يارب بس والله انا ما متذكرة اي شي من هالشي ولما صرنا نروح الدكتور والمستشفى قال الدكتور بده يعملي صورة ام بخ آي وسويناها وطلع معي هالمرض الله يريحنا منه كلنا وقال الدكتور ان عندي كمية المرض بمخي كبيرة كتير كتير كتير ومتجمعة كلها بمحل ذاكرتي وسلوكي وماثرة على ذكائي وان مخي صغران وكل مازاد المرض صغر مخي اكتر شايفة حبيبتي شمس شو صاير فيني انا ما زعلانة من المرض والله العظيم لانه من ربي وان بحب ربي كتير وقال الدكتور كمان ان ما بقدر امشي لان عندي المرض كمان بالصمام الشوكي ومنشان هيك مافيني امشي حبيبتي شو بدنا نعمل هيك ربنا بده واكيد هالشي لمصلحتنا الله يشفينا كلنا
صحيح نسيت اخبرك البابا حبيبي صار يدور بالانترنيت ويسال الناس وهو يلي عرف موقعكم هون وصرت اخذ حبة البكرة كمان بس ما اثرت فيني المهم البابا شاف ان في مرضى متلي بس عادي متاثر عندهم المشي شوي وشغلات تانية ولما سال الدكتور ليش انا صاير بمخي هيك وعم يصغر فجاوبه لان مكان تجمع المرض عندي بمكان المخ والسوك اكتر شي وهو يلي عمل لي هالشغلىة ىخ حبيبتي شمس منيح نحنا كنا عندنا هالمرض وبنحس ببعضنا انتي شو عاملك مرضك حبيبتي

حبيبتي ريم انا صابي المرض تقريبا من سنتين ونمت بالليل وما كان فيي شي بس لما صحيت كنت مش قاردة اوقف المهم مرت الايام ومرت التحاليل وبالاخر اكتشفو انه عندي هلمرض اول شي ردت فعلي كانت البكاء ورفضي لكل شي ولكن بعد ما قرئت عن المرض وعرفت انو يمكن القضاء عليه بالارادة والاصرار قررت ان اعيش حياتي نورمال يعني ان اتناساه واتجاهله لانه صعوبة المشي في البداية كانت كثيرة والان قلت وائكد لكي عندما افكر بالمرض تعود اتمنى ان يجعلنا الله واياكم من الصابرين

عزيزتي ريم انا اول مره بسمع عن حكاية المخ الصغير منك واكيد من يومة ما عرفت بمرضي كالجميع لم اترك اي موضوع عن المرض سواء بالجرايد او النت الا تابعته وتكلمو جميعهم عم الاعراض ( التعب -عدو القدره عن المشيي لمسافات طويله وغيرها من الاعراض بس كان الاهم متابعة العلاج وعدم التفكير بالمرض لان السبب الرئيسي له هو نفسي اولا ولله الحمد عدت لعملي تدريجيا ’ احاول ان امارس حياتي حسب قدرتي مع مراعات مرضي _الابتعاد عن الحراره وووو يعني نظمت حياتي حسب المرض اكيد التعب موجود وغيره ولكن يجب ان تضعي امامك كلمه مهمه (اريد ان اعييييييييييييييش )حبيبتي كما فهمت انتي صغيره ابدئي حياتك من الان وانسي امس وأكيد ستجدي ما تريدين