|
اختي ريم احببت ان انقل لك هذين الحديثين عن رسول الله صلى الله عليه وسلم ونحتسب عند الله ان نكون منهم وقوله تعالى {وَإِذَا مَرِضْتُ فَهُوَ يَشْفِينِ }الشعراء80
حدثنا عبدان عن أبي حمزة عن الأعمش عن إبراهيم التيمي عن الحارث بن سويد عن عبد الله قال دخلت على رسول الله صلى الله عليه وسلم وهو يوعك فقلت يا رسول الله إنك لتوعك وعكا شديدا قال أجل إني أوعك كما يوعك رجلان منكم قلت ذلك أن لك أجرين قال أجل ذلك كذلك ما من مسلم يصيبه أذى شوكة فما فوقها إلا كفر الله بها سيئاته كما تحط الشجرة ورقها عن مصعب بن سعد بن أبي وقاص عن أبيه قال : قلت يا رسول الله أي الناس أشد بلاء ؟ قال : الأنبياء ، ثم الأمثل فالأمثل ، يبتلى الرجل على حسب دينه الحديث وفيه : حتى يمشي على الأرض وما عليه خطيئة ، أخرجه الحاكم من رواية العلاء بن المسيب عن مصعب أيضا . وأخرج له شاهدا من حديث أبي سعيد ولفظه قال : الأنبياء ، قال : ثم من ؟ قال العلماء قال : ثم من ؟ قال : الصالحون الحديث ، وليس فيه ما في آخر حديث سعد . ولعل الإشارة بلفظ " الأول فالأول إلى ما أخرجه النسائي وصححه الحاكم من حديث فاطمة بنت اليمان أخت حذيفة قالت : أتيت النبي - صلى الله عليه وسلم - في نساء نعوده ، فإذا بسقاء يقطر عليه من شدة الحمى ، فقال : إن من أشد الناس بلاء الأنبياء ، ثم الذين يلونهم ، ثم الذين يلونهم . |
مشرفنا الفاضل قرات كلامك و تأثرت به معك حق مليون بالمية و الله يصبرنا و يكتبلنا الدرجات العليا من الجنة اللهم آمين لازم عزيزتي ريم يكون في عندك يقين أن الله سبحانه قادر على كل شيء الله يفرج همومنا جميعا اللهم آمين |
اقتباس:
اهلين ريم نور المنتدى بوجودك انا ما اوافقك ريم يعني لو كان مخك صغير متل مابتقولي كيف ممكن تحاكينا؟ ونفهم عليكي؟ ابدا ريم انتي ان شاء الله ممتازة وكل هالاعراض يللي بتشتكي منها راح تختفي وان شاء الله تكوني كسبتي اجر كتير على صبرك انتي بس صلي ع النبي واعرفي 0ان صبرك واحتسابك عند الله عليه اجر عظييييم وهاد مجرد اختبار من الله ماتشيلي هم عزيزتي وتاكدي ان الفرج جاي قريب وقريب جدا دمتي بود ®®®®®®®®®®® |
الله يجبرك رمرومة الحلوة ويجبرنا جميع
|
يييي اليوم شفت منام كتير حلو يالله ما أحلا شفتكم كلكم بمنامي بس ما بعرف اا انتوا هيك شكلكم الحقيقي يمكن حقيقي ويمكن بس منام يالله شو كان حلو بتعرفوا شو شفت شفت حالي كنت كتير حلوة من ايام زمان ولابسة تياب كتير حلوين واحلى شي اني عم امشي يالله كنت عم امشي انا وكنت كمان لابسة كعب عالي وتنورة طويلة لونا اسود وجاكيت وتحتها كنزة كتي حلوة وحتى حجابي والقمطة كنو كتير حلوين واكابر وقت انا دخلت على هالمحل يلي كنتوا فيه كلكم قام هيك شخص مانتبهت عليه بالاول بس من بعيد مبين عليه حلو وانيق ولما قرب وشفت وجهو كان الاستاذ محمد كان شكله هوهو بالحقيقية ما متغير حتى نفس ريحة البارفان يلي بيحطها كانت نفسها كتير ريحتها طيبة اول ما قرب مني ابتسم وقال لي اتفضلي اختي ريم وسلمي على عائلتك لانهم كلهم هون وبوجودك اكتملك عائلتنا يالله حاسة المنام كانه حقيقة لما قال لي هيك انا كتير كتير خجلت ودخلت واول وحدة شفتها كانت هيك وحدة ما عرفتها وكانت كتير حلوة قالتلي انا مرت محمد وفورا من دون ما حس صرت ابكي ضميتها وصرت بوسها كانت كمان كتير انيقة وقالتلي شفتي كيف ربنا كريم شفتي كيف شفينا كلنا وصارت هي كمان تبكي يالله شو حلوة هديك اللحظة وبعدين صرتوا تجو وحدة وحدة وتسلمو علي وكانت مجموعة انسان قاعدة وجنبها ورود حلوين وقاعدة جنبها هنيدة وجمان واستاذ سعد وكانو عم يتطلعو عليي وياشرولي اني اجي لعندهم ولما وصلت لعندهم عطوني سوارة دهب هدية ولبستني مجموعة انسان قلادة مكتوب عليها شغلة بس ما فهمت معناتا بالانكليزي وقالت لي انتي معزومة على عرسي الاسبوع الجاية انا كتير فرحتلها يالله شو انبسطنا وكان سعد من كتر ما عم يضحك صوتوا كان معبي كل الصالة يلي كنا فيها كان كتير كتير فرحان وكل شوي يقول ياحبايبي هيك هلأ انا اكتملت فرحتي يارب يصي هالمنام حقيقة يارب ما كنت بدي فيق من نومي كنت متمنية يكون هالمنام حقيقة يارب يارب يارب سويى هالمنام يصير حقيقة صحي نسيت قلكم كانت هنيدة طالعة متل القمر اد ما حلوة وكانت تقول للاستاذ محمد خليني انا اضيف ليش انت عم تشتغل لانوا كان يضيف ما بعرف شو يمكن حلويات او هيك شي وصار يضحك ويقول جملة بس ما فهمتها وترد عليه هنيدة مابتذكر بشو بس تقول يالله انت بتجنن حتى هون بدك تخدمنا اذا هيك بدو يصير انا مابدي موت بقى خلص ورح استني ربي يشفيني ويحققلي حلمي
|
يا الله قديش حلو منامك عزيزتي ريم شفتينا كلنا في جمعة وحدة و بخير و صحة و عافية و شفتي زوجة مشرفنا و هي في تمام الصحة والعافية لا وشفتيني أنا و لبستك قلادة و عزمتك على عرسي ههههههه كثير حلو منامك يا رب يكون خير يا رب و ترجعلك صحتك و نصير كلنا بخير اللهم آمين |
ان شاء الله يتحقق حلمك اختي ريم وكلنا نفرح بالشفاء التام من هل المرض مابعرف ليش حاسس ان السنه هاي سنة خير (من رمضان الماضي لحد رمضان القادم ، وان شاء الله قبل رمضان القادم) احس انو راح يكون الشفاء اعظم هديه النا من عند رب العالمين في هالسنه ان شاء الله الله يحقق لك حلمك ريم وجميع احلامنا يارب دمتي بخير وصحه وعافيه والجميع ان شاء الله ®®®®®®®®®®® |
يا ربي ما أحلى هالمنام كان صادق، يعبر بصدق عن مشاعرك ومشاعرنا تأكدي، هذا المنام كان صادق، صادق جداً. ®®®®®®®®® |
يا قلبي يا ريم يا عمري اول شي انسي الموت وسيرتوااا هااا شايفه حتى الاحلام عم تحكيلك اشياء حلوه كمان شي يا دلوعتناااا انتي كثير بريئه وكثير طيبه واحلمك مثلك طيب وبريئ راح يتحقق ان شاء الله اخي محمد ما في منو حتى بالاحلام عم يساعدنااا ما بيتركناا ابداااا اخي سعد سعيك وراء شفائنا ان شاء الله راح يصير حقيقه ونتجمع ونسمع ضحكتك من حق وحقيقه عزيزتي مجموعة انسان ان شاء الله نفرح فيكي يا قمر وراح اعملك كل الحلويات كمان من صنع ايدي الي اعمللهم ما راحوا يكونوا غالين اكثررر منك .......... حبيبتي ريم منجد فرحتيني بحلمك هذا وان شاء الله راح يصير حقيقه |
عزيزتي هنيدة تسلميلي يا غالية ان شاء الله نفرح كلنا وناكل حلويات من صنع اديكِ اللهم آمين |
ما اروع منامك حبيبتي ريم وانشالله ربنا حيشفينا جميييييع
اخي محمد باذن الله حتشوف مرتك بكامل صحتها واخي سعد ربنا حيسعدك انشالله دنيا واخرة وحنفرح فيكي مجموعة انسان وتعملي احلى عرس يجي فيه كل من تعرفيهم احلى منااااااام رمرومة الله يحميك وفرجنا قريييييب باذن الله |
ماشاء الله يا أختي ريم هذه بشارة بإذن الله أن الفرج والفرح قريبين ماعندك فكرة أديش فرحت وتأثرت بهالمنام الله يحفظك لأهلك ويفرحهم فيكي ويفرج عنا جميعا يارب أختي مجموعة انسان ألف مبروك الموضوع صار قريب يلا بدنا نفرح فيكي ونفرح بريم وحنين وسعد وهنيدة وكل أعضاء وعضوات منتدانا وبدنا نلحق كل مريض بالأم أس ونجيبوا لنخليه يفرح معنا نسأل الله أن يفرج عنا بفرج عاجل غير آجل وأن يكون هذا الحلم بشارة من الله على الفرج القريب |
| الساعة الآن 05:16 AM. |
Powered by vBulletin
Copyright ©2000 - 2024